RUS
«Қасіретті қаңтар» оқиғасынан кейін отставкаға кеткен Қазақстанның бұрынғы премьер-министрі Асқар Мамин көзге көп түсіп жүрген жоқ. Жылы креслосынан айырылса да хоккей федерациясының президенті лауазымынан бас тартпаған сияқты. Бүгін ол Ресейдің Санкт-Петербург қаласында өтіп жатқан «Бірінші арна кубогы» турнирінде төбе көрсетті. Бұл туралы Ulysmedia.kz басылымы жазды.
Турнир аясында Қазақстан ұлттық құрамасы «ЖХЛ жұлдыздары» командасын 3:1 есебімен ұтты. Отандастарын қолдауға келген Маминнің жүзінен ешқандай алаңдаушылық байқалмайды. Несіне алаңдасын?!
Бұған дейін Асқар Маминге қатысты қылмыстық іс қозғалды деген қауесет тараған болатын. Алайда бұл ақпаратты сыбайлас жемқорлыққа қарсы іс-қимыл агенттігі жоққа шығарған еді.
Еске салайық, Асқар Мамин премьер-министр болып 2021 жылдың 15 қаңтарында тағайындалған болатын. Бір жылдан кейін, 2022 жылдың 6 қаңтарында Мамин бастаған Үкімет отставкаға кетті. Президент Тоқаев үкіметті отставкаға жіберу туралы Жарлыққа қол қойды.