RUS
Smart News басылымының хабарлауынша, Астанада Данияр Елеусінов, Лас-Вегаста Шавкат Рахмонов жекпе-жекке түсті.
Астанада IBA Champions' Night өтті. Олимпиада және Әлем Чемпионы Данияр Елеусінов екі жылдық үзілістен соң рингке оралып, жеңіске жетті. Елеусінов оңтүстікафрикалық Джабулани Макхенсеге қарсы шықты.
"Рингке оралғаныма өте қуаныштымын. Қолдауларыңызға рахмет!!! Тәуелсіздік күні құтты болсын!!!", - деді Данияр Елеусінов.
Ал ертең, яғни 18 желтоқсан күні 16:30-да елордада Жақсылық Үшкемпіров атындағы Jekpe Jek сарайында олимпиада чемпионы Данияр Елеусінов пен аргентиналық Хуан Эрнан Леал жартылай орта салмақтағы IBO чемпиондық белбеуіне таласқа түседі.
Сондай-ақ 16-нан 17 желтоқсанға қараған түні Лас-Вегаста UFC 296 турнирі өтті. Кештің басты жекпе-жегінде жартылай орта салмақта қазақстандық файтер Шавкат Рахмонов (18-0) америкалық спортшы Стивен Томпсонмен (17-7-1) кездесті.
Лас-Вегастағы жекпе-жекте бой көрсеткен Шавкат Рахмонов екінші раундта-ақ қарсыласын сұлатып салды. Қазақстандық файтер Шавкат Рахмонов ММА спортындағы он сегізінші кәсіпқой жекпе-жегін, ал UFC-дегі алтыншы кездесуінде жеңіске жетті. Спортшы қарсыласын тұншықтыру әдісімен жеңді.
"Тәуелсіздік күні құтты болсын! Қазақ Елі, жеңіспен! Көк туымыз желбірей берсін!"- деді Шавкат Рахмонов.