Smart News басылымының хабарлауынша, әнші Төреғали Төреәлі өз Instagram парақшасына видео жүктеген. Видеода әншінің ұлы Төренұр мен атасы Төреәлі Төлеповтың сөйлесіп отырғанын байқауға болады. Атасының "Әкеңнің аты кім?" деген сұрағына, немересі жауап бере алмайды.
"Күнде айта беру керекпін ба? Мен әкемнің атын ұмытып қалдым ғой енді. Менің атым - Төренұр. Маған сендердің балаларың болуға болмайды ма сонда? Кетейін ба семьядан?", - деп атасына өкпесін білдірді немересі.
Алайда видео соңында Төренұр жұлдызды әкесінің атын есіне түсірді.
Әнші Төреғали жүктеген бұл видео желі қолданушыларын күлдіріп, сансыз пікірлерге ие болып, көп қаралым жинады.
"Ұқсамасаң тумағыр деп осындай балдарға айтылады екен-ау", "Төреғали шығып кетсін бе, ағайын?", "Шығып кетейін ба семьядан ағайын деп тұрғой әкесі құсап", "Сөзі де, түрі де әкесі", "Сүп-сүйкімді,тәп-тәтті балапан! Көз тимесін" деп пікір білдірді әншінің оқырмандары.