RUS
Smart News басылымының хабарлауынша, танымал блогер, 100-ге жуық мұқтаж отбасыға баспана сыйлаған Ырысбала Икрамбай тағы бір мұқтаж отбасыға үй берді. Бұл жолы ол үйді блогер қайтыс болған әкесінің атынан сыйлады. Ырысбаланың айтуынша, ол бұл отбасыға үйді өз қаражатына алып берген.
"Марқұм болған әкем шабандоз Икрамбайұлы Мейрамбектің атынан тарту еткен баспанамыз.
Әкемнің Алла бұл дүниедегі біліп-білмей жасаған күнәсін кешіріп,осы баспанада күлген 6 балапанның жүзіндегі әрбір күлкісі әкеме сауаптан жазылсыншы.
ПАПА … МЕН СІЗДІ ҚАТТЫ САҒЫНДЫМ.
Сіз кеткенде мектеп оқушысы болған қызыңыздың қолынан қазір біраз шаруа келеді бірақ сіз үшін тек Құрбандық шалып, Құран оқып, Садақа беріп, сауапты іс ғана жасай аламын.
ПАПАУ МЕЙРАМБЕКТІҢ ҚЫЗЫ деген атқа лайық емес көп қателік жасадым, мені кешіріңізші…
Жайыңыз Жұмақ болсын,ұрпағың мұқтаж отбасыға сыйлаған баспанасы Аллам Жұмақтан хан сарайындай баспана сыйласыншы сізге…",- деп жазды блогер.
Блогердің бұл жазбасы оқырмандарының жүрегін елжіретті.
"Мейрамбектің қызы деген атқа әбден лайықсың. Кезінде балалық бәрімізде болды", "Әкеңе де сауабы тиіп, жаны жәннәтта шалқысын", "Ниет қабыл болсын", "Қателеспейтін пенде жоқ" деп қолдау көрсетті блогердің оқырмандары.