RUS
Smart News басылымының хабарлауынша, Қайрат Нұртастың әйелі Жұлдыз Әбдікәрімова жылды қорытындылауға арналған фотосессия суреттерін Instagram парақшасына жариялады.
Жаңа жылдық суреттерін жариялаған актриса 2023 жылға қатысты оқиғаларын тізді.
"Жаңа жыл біз үшін отбасылық мереке! Бір жылды қорытындылап, келер жылға жоспар құрамыз. Отбасымызбен бірге уақыт өткізуге тырысамыз. Бір-бірімізге сыйлық жасап, жылы тілек айтамыз. Ал жеке өзім үшін желтоқсан өте сәтті ай. "Әлем ханымы" атағын әкелген ай, "Сезін" кітабының тұсауын кескен ай, "Махаббат мұнарасы" қойылымының премьерасы болған ай, "Ажырасам" фильмі үлкен экранға шыққан ай. Бұл жылы да мен үшін жаңа жанрдағы "Қара шекпен" әфсанасының премьерасы болған ай. Бұл мерекеге ешқандай діни көзқарасты араластырмай отбасылық деп қабылдаймын", - дейді Жұлдыз Әбдікәрімова.
Актрисаның отбасылық суреттерінен Қайратты таппаған оқырмандар Жұлдыз Әбдікәрімованы сынның астына алды.
"Әкелері қайда? Ажырасып кеткен бе?", "Қайдағы отбасы, осы үйдің азаматы, балаларының әкесі Қайрат қайда?", "Қайрат қайда қалды сонда?", " Жұлдыз ханым енді 10 жыл Қайрат ағамызды көрсетпейді. Өмір алма кезек деген осы", "Қайрат Нұртас фотоға түсіріп жүр ма?", "Неге әкелерін де түсірмеген", - деп жазды оқырмандар.