RUS
Smart News басылымының хабарлауынша, Қазақстан ақшаны жылыстатуға қарсы тәуелсіз рейтингте позициясын едәуір жақсартып, 100-ден астам елді артта қалдырды. Бұл туралы Қаржылық мониторинг агенттігі жазды.
2023 жылдың 13 қарашасында Базель менеджмент институты ақшаны жылыстатуға және терроризмді қаржыландыруға қарсы күрес саласындағы ең беделді дереккөз болып табылатын жыл сайынғы «Basel AML Index» рейтиңін жариялады.
"Рейтиңде Қазақстан 100-ден астам елді артқа тастап, 4,71 ұпай жинай отырып, позициясын 27 тармаққа жақсартты.
Бұл еліміз үшін 2012 жылдан бері жарияланып келе жатқан рейтиң тарихындағы ең жоғарғы нәтиже.
Қазақстан рейтиңде Қытай, Түркия, БАӘ, Сербия, Болгария, Венгрия, Румыния, Катар, Бахрейн және Сауд Арабиясы секілді елдерден басып озды, - деп жазды ҚМА.
Тәуекел деңгейі ең төмен топ-5 елдің қатарына Исландия, Финляндия, Эстония, Андорра және Швеция кірді.
Айта кетейік, зерттеу қылмыстық жолмен алынған кірістерді жылыстату және терроризмді қаржыландырудың (КЖ/ТҚ) жоғары тәуекелдеріне ықпал ететін әртүрлі факторларды өлшейтін 5 бағыт бойынша 18 көрсеткішке негізделеді.