RUS
Smart News басылымының хабарлауынша, танымал блогер Айжан Байзақованың інісі Алихан Байзақов желіге шулы видеосын жариялап басы дауға қалды.
Бейне жазбада блогер бокс тұлыбын аяусыз соғып жатқан видеосын жариялаған. Блогер бұл әрекетімен ұсынысқа қыз "жоқ" деп жауап берген жағдайда не істеу керектігін әзілмен жеткізбек болған.
Видео түсірілген Invictus фитнес-залы Алихан Байзақовтың бұл ісіне қатысты жауап беріп, оны ендігі фитнес-залға кіргізбейтіндері туралы мәлімдеме жасады.
"Invictus зорлық-зомбылықтың кез келген түріне қарсы. Бұл бейнеролик біздің құндылықтарымызға мүлде сәйкес келмейді. Этикаға жат дүние. Сол үшін біз Алихан Байзақовпен байланысып, одан бейнежазбаны өшіруін сұрадық. Ол өшіруден бас тартып, видеодан ешқандай зорлық-зомбылық белгілерін көрмейтінін айтты.
Invictus желісі клубтарының барлық мүшелері Шартқа сәйкес қоғамдық тәртіп ережелерін және қолданыстағы заңнаманы ұстануға, сондай-ақ моральдық-этикалық нормаларды сақтауға міндетті. Осы тармақтың бұзылуына байланысты біз Алихан Байзақовтың Invictus желісінің барлық клубтарына кіруге толығымен тыйым салу туралы шешім қабылдадық", - делінген фитнес-залдың хабарламасында.
Желі қолданушылары блогердің бұл әрекетін сынап, көптеген пікірлер қалдырды.
"Сонда қыз тимейсің десе, ұра сала ма?", "Әзіл ғой бұл видео көрініп тұр", "Фитнес зал адекват реакция танытты", "Енді әзілдемес бұрын ойланатын болады" деп жазды оқырмандар.