RUS
Smart News басылымының хабарлауынша, "Миллион кімге бұйырады?" бағдарламасын жүргізген Ескендір Сергебай "Уақыт көрсетеді" арнасына сұхбат бере барды.
2012-2017 жылдары Қапшағай қаласы әкімінің орынбасары болғанын айтты.
"Былайша айтқанда, кез келген қызметтің жаманы жоқ. Жұмысқа сағыныш бар, әрине. Телевидениені де, сахнаны да, шығармашылықты да сағынасың. Қызметтің аты да бөлек. Еліңе, жұртыңа көмегің тигізуді де сағынасың.
Мемлекеттік қызметкердің ләззат алатын кезі - бір адамға көмегің тисе қуанасың. Біреудің баласын балабақша орналастырсаң да, біреуді мұғалім қылып жұмысқа кіргізсең де қуанасың. Әлі күнге дейін айтып жүреді.
Жұмыстағы қарбаласты емес, сондай сәттерді сағынамын"- деді Ескендір Сергебай.
Бұрынғы тележүргізуші әкімдік жұмысынан кетуінің себебін ашық айтты.
"Өзім заңгер болсам да, журналистикадан бастадым. Журналистиканы сүйдім. Ал мемлекеттік қызметке барғаннан кейін, кішкене "қарның ашқаннан" кейін, есікті тарс жауып кетіп қалғың келеді екен. Көңілің қала берген соң тастай саласың. Мемлекеттік қызмет көңілден шықпады" - деді ол.
Сондай-ақ ол президенттің бірнеше бағдарламасы сәтсіз болғанын айта кетті.
"Халық көріп отыр, кімнен жасырамыз? Президенттің қанша бағдарламасы болды, барлығы лента қиып тұрып, мынадай зауыт ашылды деп мақтанады. Өзім әкімдікте істегеннен кейін айтайын, сондағы халықтың 100%-ы тұрғындар емес. Әкімдіктің әлі кімге жетеді? Мұғалімдер. Мұғалімдердің бәрін әкеліп қойып, "рахмет, рахмет, ашылдық" деп мәз болады. Енді оны жасырып қайтеміз? Қазақ "ауруын жасырған өледі" дейді. Алдау болмау керек қой", - деп ағынан жарылды экс-әкім Ескендір Сергебаев.