RUS
Ауқымды шараның негізгі мақсаты – жастардың зияткерлік, техникалық және инженерлік әлеуетін, шығармашылық қабілетін қалыптастыру әрі ғылым-білімге деген ынта-жігерін арттыру еді.
Чемпионат барысында қатысушы топтар өздерінің үздік жобаларын таныстырып, кодтау, роботты құрау әрі бағдарламалау бағыты бойынша білімдерін ортаға салды.
Екі күндік сайыс нәтижесінде үздік деп танылған Queue team, Zhamakaev 145, Sana team, PID командалары 9-10 наурызда Кипрде өтетін ашық чемпионатқа жолдама алды. Сондай-ақ, жақсы нәтиже көрсеткен 13 команда Орталық Азия чемпионатына қатысу мүмкіндігіне ие болды.
Ерекше атап өтетін бір жайт, өткен жылы SDU University Инженерлік және жаратылыстану ғылымдары факультетінің Ақпараттық жүйелер мамандығының 2015 жылғы түлектері Нұрдәулет Досмағамбет, Бекзат Инкаров пен Асылбек Мырзахметовтың жетекшілігімен Қазақстандық оқушылар Сингапурда өткен FIRST Global Challenge робототехникадан ең ірі чемпионатта рекордтық нәтижелерге қол жеткізген еді. Әлемнің түкпір-түкпірінен 190-нан астам ел қатысқан дүбірлі додада біздің отандастырымыз бас жүлдені жеңіп алып, әлем чемпионы атанған еді.