RUS
Smart News басылымының хабарлауынша, журналист, «Астарлы ақиқат» бағдарламасының тележүргізушісі Дина Төлепберген жүргізушілік мансабын тоқтатқаны жөнінде айтты.
Журналисттің үндеуінен соң көпшілік «Астарлы ақиқат» ток-шоуы жабылады деп ойлап қалған болса керек, Дина Төлепберген жағдайды ашып айтты.
«Халқым мені қашанда құрметтеп, сүйетінін білетін едім, бірақ мұндай ыстық ықыласпен деп ойламадым…Қаншама хаттар, жылы лебіздер, қоңыраулар, жанкүйерлер мен фанклубтардың видеолары, репосттары - менің көңілімді бір босатып тастады. Сіздерге үлкен рахмет! Бірақ мен эфирден кетсем де, сіздерден кетуге асықпаймын. Дина зейнетке шығып жатқан жоқ!
Көп көрерменім несіне жасырайын, тіпті журналистер «Астарлы ақиқат” жабылды деп жар салуда . Олай емес! Мен тек жүргізушілікті тоқтатып жатырмын. Жүргізу - маңызды болса да, эфирдегі жұмыстың бір бөлігі ғана. Одан бөлек кадр сыртында қайнаған тіршілік. Редакция, операторлар, техникалық қызмет, пост продакшн - олардың барлығын басқару - бас продюсердің міндеті. Яғни менің!», - дейді Дина Төлепберген.
Сондай-ақ журналист кітап жазып жатқаны жөнінде айта кетті.
«13 жылда жиналған метариалдар - талай туындыға, анализ жасауға негіз болатын дария дүние. Мен оны өзім әлі зерттеп, санап, қорытып жатырмын. Және кино, фильм, сериал режиссерлары мен сценаристтерін байланысуға шақырамын. Кей оқиғаларды жазып жатқан өз кітабымнан да оқитын боласыз.
Сонымен, «Астарлы ақиқат» жабылмайды! Егер мені сағынсаныздар, өзімнің YouTube парақшам бар, 29 қаңтарға дейін эфир тізгінінде боламын», - деді журналист.