Бишімбаевтың бауыры 2 бап бойынша тергеліп жатыр
Екі бап бойынша да жаза мерзімі 6 жылға дейін бас бостандығынан айыру қарастырылған.
Smart News басылымының хабарлауынша, қаза тапқан Салтанат Нүкенованың отбасының адвокаты Жанна Оразбахова өзінің Instagram-дағы парақшасында Қуандық Бишімбаевтың бауырына қатысты 2 бап бойынша қылмыстық іс тергеліп жатқанын мәлімдеді. Бұл туралы halyq-uni.kz жазды.
«Күдіктінің бауырына қатысты. Мен бұрын жазғанымдай, аса ауыр қылмыс туралы хабарламау фактісі бойынша іс кісі өлтіру туралы негізгі іспен бірге тергелді.
Қазір бауыры 2 бап бойынша күдікке ілініп отыр:
Қылмыстық кодекстің 432-бабы («Қылмысты жасыру»);
Қылмыстық кодекстің 434-бабы («Қылмыс туралы хабарламау»).
Екі бап бойынша да жаза мерзімі 6 жылға дейін бас бостандығынан айыру қарастырылған. Бауырына қатысты іс пен кісі өлтіру фактісі бойынша негізгі іс бірге қаралады, – делінген адвокат Жанна Оразбахованың хабарламасында.
Еске сала кетсек, бұған дейін Мәжілісте Ішкі істер министрінің орынбасары Игорь Лепеха Қуандық Бишімбаевқа қатысты қандай баптар бойынша іс қозғалғанын айтып берген болатын.
Материал авторы
