Теміртауда жарылыс болған дүкеннің астынан бір әйелдің денесі табылды
Теміртаудағы жарылыстан кейін қирап қалған дүкен ғимаратының астынан бір адамның мәйіті табылды. Бұл туралы smartnews.kz сайты хабарлап отыр.
Таңғы 09:49 кезінде құтқарушылар үйінді астынан әйелдің денесін сыртқа шығарды.
Жедел жәрдем бригадасы өлім фактісін растады.
Еске салайық, бүгін таңғы 08:06 кезінде Теміртау қаласы Ватутин көшесінде 2 қабатты дүкен ғимаратында газ жарылды. Дүкен қирап, өртенген.
Тексеру және барлау барысында үйінді астында қалғандардың орналасқан жері анықталды.
Үйіндіні бөлшектеп жатыр.
Бұл жұмысқа ТЖД жеке құрамынан 17 адам, 5 техника жұмылдырылды.