14 жыл бойы халықаралық іздеуде жүрген шетелдік Шымкентте ұсталды
Тұран ауданының көші-қон қызметкерлері 38 жастағы ер адамды рейдтік шара жүргізу кезінде анықтады. Бұл туралы smartnews.kz сайты хабарлап отыр.
Шымкент қалалық ПД мәліметінше, ел аумағында заңсыз жүріп-тұрған шетелдік ұзақ жылдар бойы қылмыстық қудалаудан жасырынып келген.
Оған қатысты ірі көлемде алаяқтық жасағаны үшін 2010 жылы ташкенттік құқық қорғаушылар тарапынан қылмыстық іс қозғалған.
ҚР көші-қон саласындағы заңнамасын бұзғаны үшін ер адамға ӘҚБтК-тің 517-бабына сәйкес шара қабылданды.
Ұсталған азамат өз еліне депортацияланды.