RUS
SMARTNEWS басылымының хабарлауынша, блогер, қайырымдылық жасап 100-ге жуық мұқтаж отбасыға баспана алып берген Ырысбала Икрамбай Тұңғыш Президент қоры ұйымдастыратын Республикалық Қайырымдылық керуені байқауына қатысты пікір білдірді.
«Тұңғыш Президент қоры жыл сайын Қайырымдылық керуені Республикалық байқауын ұйымдастырады екен,биыл алтыншы рет өткізіліп жатыр екен.
Әр өңірдің қайырымды іс жасаған жандарын жинап 1,2,3 орындар береді екен. Бір өкініштісі қайырымды істің бағасын Алладан басқа ешкім бере алмайтынын, кімнің қандай іс атқарып жатқанын көретін, бағасын беретін халықтан артық төреші, әділ қазы жоқ екенін осы 6 жылда бас көтеріп біреуі айтпапты. Біреуінің миына кіріп шықпапты. Қайырымды іс Алланың разылығы үшін,жүрек қалауымен жасалатынын бас басына би болған өңкей қиқымның түсінбейтініне таң қалдым. Есіл мемлекеттің ақшасы болашағы жоқ, пайдасыз істің қағаздағы жылдық есебі үшін көкке ұшып жатқан», - деді блогер.
Оның айтуынша, бұл байқауға блогердің қайырымдылық қорына 3 орын берген. Бірақ ол бұл жүлдеден бас тартты.
«Қайырымдылықты орынмен бағалау - ақымақтың ісі.
Сіздің жасап жүрген қайырымды ісіңіз мейірім жолында үшінші орын қола медаль дегенде төбе шашым тік тұрды,өздеріңе бұйырсын деп алмай кетіп қалдым. Менің бағамды беретін ХАЛЫҚ, сол медаль қадірімді асырсам, қадірімді ХАЛЫҚ білсе жеткілікті, кеудеме тақпасам кеудемді қадірсіздік кернеп кетпес.
Бірақ сол Тұңғыш Президент ірге тасын қалаған Алланың үйіне барып Жұмадағы дұғамызды алақан жайып сұрап,әдемі ғимараттың көркемдігіне көзіміз,көңіліміз толып қайттық. Хайырлысы!», - деді ол.