SMARTNEWS басылымының хабарлауынша, танымал продюсер Гүлзира Айдарбекова кіші ұлы Заңғар мен келіні Индираның өміріне араласатын адамдарға ренжіді.
Кенже ұлының әйелі Индира күйеуіне «Үйлеріңде үй қызметшісі, клининг жұмыс істейді. Сен үйде түк істемейсің ғой деп айтып жатыр» деп, күйеуіне сауал қояды. Бұған кіші Айдарбеков оқырмандарға жауап берді:
«Қонақ келіп, қол тимеген кезде ғана үй тазалаушыларды шақырамыз. «Генеральный уборка» үшін айына бір рет шақырамыз. Ал үйде күнделікті тамақ жасайтын аспаз жоқ. Арасында бір шақырып тұрамыз. Негізі тамақты келіншегім Индира пісіреді» деп ағынан жарылды Заңғар.
Сондай-ақ күйеуінің бұл сөздеріне қатысты Гүлзира Айдарбекованың кіші келіні:
«Енді енем ең керемет мама болғанына кінәлі емеспін ғой. «Шаршап қалма, өзіңе де уақыт бөл» деп көмекшілер шақырып тұрады» деді кіші келіні Индира Мәуленова.
Гүлзира Айдарбекова кіші келініне шүйліккендерге қатысты былай деп жазды:
«Жаным-ау сол! Менің келіндеріме тиісе бермеңіздерші. Бәріңіз менің орныма ене болып кетпесеңіздер. Нәзік жүрегін тасқа айналдырмайық, иә?», - деп жазды продюсер.