RUS
Бұл туралы smartnews.kz сайты хабарлап отыр.
Жастар болашақ талапкерлерге Аризона Университетімен бірлескен қос дипломды бағдарлама бойынша оқу туралы айтты.
Kozybayev University-дің студенттері басқарма төрағасы – Ректордың міндетін атқарушы Рената Апергеновамен бірге және жоғарғы оқу орнының қызметкерлерімен бірнеше мектептің 11 сынып оқушыларымен әңгімелесті.
Олардың бірі – Әлихан Бөкейхан атындағы Binom мектебі. Ондағы оқушылар Солтүстік Қазақстан университетіне үлкен қызығушылықтарын білдіріп, өздерін толғандыратын сұрақтар қойды және олардың арасында жоғарғы оқу орнына түсуді қарастырғандар да бар.
«Бүгін біздің мектепке келген Kozybayev University өкілдері маған қатты ұнады. Әсіресе бізге берілетін Аризонаға бару мүмкіндігі. Сонымен қатар маған Қытай, Польша, Германиядағы тәжірибе жайлы қызықты болды. Бұл бағдарламаның қолжетімді болуы керемет. Оған қоса менің анам бұрын Петропавлда тұрғандықтан, мен үшін аймақ пен жоғарғы оқу орнының осылайша дамуы маңызды», - деп Әлихан Бөкейхан атындағы Binom мектебінің 11 сынып оқушысы Талғат Кенжебаев өз ойымен бөлісті.
Оқушылар ҰБТ тапсыру, гранттар және Аризона университетімен бірлескен қос дипломды білім беру бағдарламасының мүмкіндіктері жайлы сұрақтар қойды. Кездесуде Солтүстік Қазақстан университеті атынан екінші курс студенті Әмір Ағзамов болды. Ол биотехнология мамандығы бойынша оқиды және бұл бағдарлама болашақ мамандардың қызметінің көкжиегін кеңейтуге мүмкіндік береді деп есептейді.
«Бұл керемет, қызықты бағдарлама және оған үлкен үміт артылып отыр. Менің ойымша, төрт жыл ішінде екі диплом алу идеясы үлкен тиімділікті білдіреді. Ал бұл уақытта басқа студенттер бакалавриаттың төрт жылы ішінде бір диплом алады. Біз ағылшын тілінде оқимыз. Осылайша студенттер тек шет тілін біліп қана қоймай, сонымен бірге халықаралық аренада өз саласы бойынша кәсіпқой маман бола алады. Біздің дүниежүзі бойынша адамдармен байланыс орнатуға, олармен әртүрлі тақырыптар бойынша пікірталас жүргізуге және ғылыми зерттемелерге қатысуға мүмкіндігіміз бар. Менің мамандығым бойынша бізде көп кездесулер өткізіледі, әсіресе Аризонадағы куратор – Саманта Уорчермен. Мен онымен үнемі хат, zoom конференция арқылы сөйлесемін және олар бізге келеді. Бұл бағдарлама жаһандық ғылыми қауымдастықпен араласуға, сонымен қатар сана мен ойлаудың шекараларын кеңейтуге мүмкіндік береді», - деп Әмір Ағзамов ойымен бөлісті.
Айта кетейік, Жоғарғы оқу орнының кәсіби бағдарлау жұмысының тобы ақпан айы бойынша барлығы шамамен 10 мың мектеп түлектерін қамти алды. Естеріңізге сала кетейік. 2022 жылы Манаш Қозыбаев атындағы Солтүстік Қазақстан университетінің Аризона университетімен бірлескен қос дипломды бағдарламасы іске қосылғанын атап өткен жөн.
Оқу аяқталған соң жастарға екі диплом беріледі – қазақстандық және американдық. Бүгінгі таңда университет осы бағдарламаның үш бағыты бойынша құжат қабылдайды: биотехнология, ақпараттық технологиялар және инклюзивті білім беру.