RUS
SMARTNEWS.KZ басылымының хабарлауынша, Қазгидромет Қазақстан аймақтарында 2024 жылғы 15 наурызда болатын қауіпті метеорологиялық құбылыстарға болжау консультациясын жариялады.
Еліміздің басым бөлігінде атмосфералық фронтальды бөлімдердің өтуіне байланысты тұрақсыз ауа райы сақталады, соның әсерінен қар түріндегі жауын-шашын жауады.
Алматы, Жетісу облыстарының таулы аудандарында түнде қатты жауын-шашын болады.
Тек ҚР батысында, оңтүстік-батысында антициклон жотасы әсерінен жауын-шашынсыз ауа райы күтіледі.
Республика бойынша тұман, желдің күшеюі, солтүстігінде, шығысында, орталығында жаяу бұрқасын, оңтүстігінде, орталығында көктайғақ, батысында шаңды дауыл күтіледі.