Қатты тоңған: фельдшерлер үйілген қоқыс арасынан бала тауып алды

SMARTNEWS.KZ басылымының хабарлауынша, Алматыда жедел жәрдем қызметкерлері үйілген қоқыс арасында жалғыз жүрген баланы тауып алды. Бұл туралы Elitar парақшасында жарияланды.

"Алматы облысының жедел жәрдем қызметкерлері (дәрігер А.К. Молдашева, фельдшер Б.М. Каленов, жүргізуші А.С.Нарботанов) түнгі 22:00 шамасында қоқыс маңында жалғыз жүрген 2-3 жасар баланы байқаған. Қатты суықта тоңып жылаған бүлдіршінді дәрігерлер дереу жылы киіндіріп, көлікке отырғызды", – делінген жазбада.

Онда кейін бірден полиция шақырғаны айтылған. Сөйтіп, бүлдіршін анасына табысталған. Ол баласын көше кезіп іздеп жүргені белгілі болды. Баланың денсаулығына ешқандай қауіп төніп тұрған жоқ.