RUS
«ҚазАвтоЖол» ҰК» АҚ-ның баспасөз қызметінен мәлім еткендей, өткен демалыс күндері еліміздің басым бөлігіндегі айналма жолдарда көлік қозғалысы азайған. Бұған жауын-шашыннан болған батпақ әсер еткен.
Ал, бүгін, 18 наурызда Атырау облысындағы Құрманғазы ауданында жүк көлігі жолдан шығып кеткен.
«Атырау-Құрманғазы тас жолының 2 шақырымдық жол учаскелерінің бірінде (770-771 шақырым) жүк көлігі жол жиегінен шығып, сырғанап кеткен. «ҚазАвтоЖол» қызметкерлері дер кезінде көмек көрсетіп, көлікті сүйретуге көмектесті. Таңертең осы аумақта айналма жолды инертті материал қосып профильдеу және қозғалыс қауіпсіздігін қамтамасыз ету үшін бес техника мен он адам жұмылдырылды. Жүргізушілерден күрделі ауа-райы жағдайында жолда мұқият және сақ болуды сұраймыз», - делінген «ҚазАвтоЖол» хабарламасында.