RUS
SMARTNEWS.KZ басылымының хабарлауынша, Францияда әйеліне дәрі беріп ұйықтатып, кейін оны ер адамдарға зорлатқан Доминик Пеликоның ісі бойынша сот жүріп жатыр. Әйелді зорлады дегендердің арасында өрт сөндірушілер, жүк көлігі жүргізушілері, әскерилер, күзетшілер, журналист және диджейлер бар. Олар сотта куәлік берді. Бұл туралы Stan.kz ақпарат агенттігі жазды.
ВВС арнасының дерегінше, Жизель Пеликоны зорлады деген 50 ер адамның тыңдалымы болды.
Қыркүйекте басталған сот процесі бойынша келесі апта үкім шығады деген болжам бар. Айыпталушылар кінәлі деп танылса, жалпы алғанда 600 жылдан астам бас бостандығынан айырылуы мүмкін.
50 айыпталушының көбі – ерлі-зайыпты Пелико тұратын Мазан ауылынан 50 шақырым жерде орналасқан қалалар мен ауылдардың тұрғындары.
Прокурорлар сотталушылардың Пеликоның үйіне қанша рет келгенін қоса алғанда, ауырлатылған үкім туралы шағымдарын факторларға негіздеді.
Джозеф – 69 жастағы отставкадағы жаттықтырушы, немерелері бар. Оның жыныстық зорлық-зомбылық жасағаны дәлелденсе, төрт жылға бас бостандығынан айырылуы мүмкін. Бұл – прокурорлар сұраған ең жеңіл жаза.
Тағы бір айыпталушы – 63 жастағы Ромен. Ол 18 жылға сотталуы мүмкін. Ол АИТВ жұқтырған және Жизель Пеликоны сақтанбай, алты рет зорлағаны үшін айыпталып отыр. Оның адвокаты сотқа ер адамның бірнеше жыл емделгенін және вирус жұқтыруы мүмкін емес екенін айтты.
Доминик Пелико он шақты жыл осы адамдардың зорлағанын видеоға түсірген. Ол тағылған айыптың барлығын мойындап, сотта оның 50 сыбайласының да кінәлі екенін айтты.
Видеолардың арқасында ерлердің ешқайсысы оқиғаны жоққа шығара алмады. Дегенмен олардың көбі өздеріне тағылған айыпқа қарсы шықты. Айыпталушылар зорламағандарын айтады, Жизель Пелико оған қарсы болатынына сенімді болмадық дейді.
Өрт сөндіруші Кристиан «Менің денем оны зорлады, бірақ оны мимен зорламадым» деді. Тағы бірі «Оның дәрінің әсерінен ұйықтап жатқанын білмедім, мәйіт деп ойладым» десе, екіншісі «Ол тек мас шығар деп ойладым» дегендер табылды. Соңғы 30 жыл некедегі 54 жастағы сантехник Ахмед егер біреуді зорлағысы келсе, 60-тан асқан әйелді таңдамайтынын айтты.
63 жастағы Жан-Пьер Доминик Пеликоның «шәкірті» екен. Ол әйелді зорламады, бірақ әйелге есірткі берді деп айыпталып жатыр.
Ол өз қылмыстарына Доминик Пеликоны кінәлайды, оның айтуынша, ол ағасындай болып кетті. Прокурорлар Жан-Пьерді 17 жылға бас бостандығынан айыруды сұрап отыр.
Редуан – 40 жастағы жұмыссыз ер адам. Ол Жизельді зорлағысы келсе, күйеуіне оқиғаны түсіруге рұқсат бермейтінін мәлімдеді.
Тағы бір Редуан есімді медбике сотта Жизельдің күйеуі оны мәжбүрлегенін айтады. «Видеодан ажырата алмауыңыз мүмкін, бірақ мен қатты қорқып тұрдым» деді ол.
Басқа айыпталушылар оларға есірткі қосылған сусындар ұсынылғанын айтады, сондықтан не болғанын білмейміз деді.
Джозеф Сидің адвокаты Кристоф Брушчи айыпталушылардың алданып қалғанын айтады. Дегенмен Доминик Пелико ер адамдардың әйелінің ұйықтап жатқанын айттым дейді. Ол оларға Жизельді оятпауға және олардың ізін қалдырмауға нұсқау бергенін айтты. Яғни әйеліне қолын тигізбес бұрын қолдарын жылыту және парфюмерия мен темекінің иісін сездірмеу.
43 жастағы Симоне М – құрылысшы. Ол ісін ақтау үшін оны 11 жасында ата-анасының досы зорлағанын айтты.
Төрт баланың әкесі 46 жастағы Жан-Люк те отбасындағы қиындықтарды айтты.
39 жастағы Фабиен бірнеше рет сотталған, оның ішінде есірткі саудасы және кәмелетке толмаған баланы жыныстық зорлық-зомбылық жасағаны үшін түрмеде отырды.
Жизельді зорлады деп айыпталған өрт сөндіруші мен тағы төрт айыпталушы балаларға зорлық-зомбылық көрсететін фотоларды сақтағаны үшін сотқа тартылып жатыр.
Гайанада туған бұрынғы француз әскериі де сотқа тартылды. Ол Жизель Пеликоны екі рет зорлағанын жоққа шығарады. Ол оның ес-түссіз жатқанын білетінін, бірақ оның келісімін бермегенін білмегенін айтты.