RUS
Smart News басылымының хабарлауынша, Жамбыл облысында жергілікті ауқымдағы табиғи сипаттағы төтенше жағдай режимі жарияланды. Республикалық маңызы бар автожолдар жабылды.
750-ден астам полиция қызметкері тәулік бойы облыс тас жолдарында кезекшілік етуде.
Жамбыл облысы полиция департаментінің бастығы полиция генерал-майоры Арманбек Баймурзин жүргізушілерге тағы да ескерту жасады.
- Ауа-райы жақсарғанға дейін аталған аумақтар сіздердің қауіпсіздіктеріңіз үшін жабылады. Шектеу шараларына түсіністікпен қарауды сұраймын. Сағат сайын бізге бұзылып қалған машиналар туралы хабарламалар түсуде. Тас жолдарда 1000-нан астам автокөлік кептеліп тұр. Полицияның 750-ден астам қызметкері оларға көмектесіп, тәулік бойы кезекшілік етуде. Біз қызмет өткерудің күшейтілген нұсқасында жұмыс жасаудамыз, - деп атап өтті департамент бастығы.
ПД бастығы барлығын ауа-райының жақсаруын күтуге және алыс сапарларды бірнеше күн кейінге қалдыруға шақырды.