RUS
Smart News басылымының хабарлауынша, блогер, қайырымдылық жасап 100-ге жуық мұқтаж отбасыға баспана алып берген Ырысбала Икрамбай сыйға берген 43 үйдің қандай күйге түскенін көрсетті.
«Мына албасты қатынның байы өлді, 7 баламен жалғыз қалды. Өмірін оң жаққа өзгертсін, көшке қосылсын деген ниетпен халық тірнектеп садақа жиып үйлі еттік. Ешкім тұрмаған жап-жаңа үй болды. Барлық дүниесін тап-таза, аппақ етіп, су жаңасын алдық», - деп үйді сыйға бергендегі жағдайын көрсетті.
Белгілі болғандай блогер 7 балаға берілген үйге барған. Баспананың күйі адам көргісіз жағдайға жеткен.
«Мынау үй ме, мал қора ма? Біз табыстағанда қандай болды?
Мына балалардың іздеушісі, сұраушысы бар ма? Әкесі өлседе әкесінің ұрпағы деп қарайтын жанашыр адам барма алып кетіп араша түсетін? Мына қатын ана болып жарытпайды, аштан өлтіреді бір күні.
Халықтың садақасына алынған үйдің обалы кімге?
Маған араласпа, сен кімсің, халық алды үйді дедіңіздер залогка қойған үйге барып айқайлағанымда, айқайламайтын қайсың барсыңдар мына жағдайға?
Үйді қиратып тастанды, қоқыс қылсада үндемеу керекпін ба? Обал емес па, елдің садақасынан, осы қатын үйлі болсын деп күннің суығында құйрығымыз жер иіскемей жүрген бізден?», - деп жазды блогер.
Блогер «өздері біледі, үй солардың иелігі» деген пікірлерге жауап ретінде былай деп жазды.
«Дайын үйді тазалап ұстау қолынан келмесе, өзі туған балаға жаны ашымаса бұл қатынды ана деуге келеді ме? Бір еркекпен ойнас құрып жүр екен. Жақсылықтың қадірін білмегенді адам деуге келеді ма?
Әлі де араласпай бір жерімді қысып білгенін істетіп қарап отыра берейінба?
Маған үйді бердің ары қарай өздері біледі, араласпа деген көпшілік деп?», - дейді блогер.
Бұған дейін блогердің сыйға берген үйді кепілге қойғаны үшін тартып алмақ болғанын жазған едік. Бұл туралы блогер «қыстыгүні балаларға обал болмасын дедім, көктемде шығады» деп жауап берді.