RUS
SMARTNEWS.KZ басылымының хабарлауынша, ер адам қазақ тілінде ақпарат беруді талап етіп, тәртіп сақшыларын шақырған. Оның айтуынша, қабырғаға ілінген жазу тек орыс тілінде жазылған. Бұл туралы KYN.KZ жазды.
Qazaqstvnda парақшасында жарияланған бейнежазбада ер адам ғимараттардың біріндегі қабырғаларда ілінген ескертулер тек орыс тілінде ғана жазылғанын айтады. Тұрғын үй кешенінің әкімшілігіне барып ескерткен. Алайда, олар жазуды қазақ тіліне ауыстыра алмайтынын жеткізіпті.
«Інім курьер болып келіп, есіктің алдына мопедін қойып кеткен. Ол орысша түсінбейді. «Мына ескертулерді оқып тұрған жоқсың ба?» деп адамдар ұрыс шығарыпты. Ал мына жерде бірде-бір сөз қазақ тілінде жазылмаған. Арғы жағындағы жазулардың барлығы да орыс тілінде. Әкімшілікке барып түсіндірдім. Бірақ олар қазақ тілінде өзгертуге уәде бере алмады», - дейді ер адам видеода.
Ер адам әкімшіліктегілермен келісе алмаған соң, тәртіп сақшыларын шақыруына тура келіпті.