Теміртауда спорт алаңында ойнап жүрген балаларды жасанды көгал басып қалды (ВИДЕО)

«Бүгін қолайсыз ауа райына, қатты желге байланысты төтенше оқиға болды. 70-ші орамдағы спорт корты аумағында ойнап жүрген балаларды жасанды көгал басып қалды. Қазіргі уақытта балалардың жағдайы жақсы, бәрі аман-сау. Биыл ғана мәдениет және спорт бөлімінің балансына тапсырылған бүкіл 20 кортты ретке келтіріп жатқанымызды атап өткім келеді. Қазіргі уақытта 5 корт бойынша мердігерлермен сот процедурасын жүргізіп жатырмыз, онда кепілдік міндеттемесі бойынша олар алаңға жөндеу жұмысын жүргізеді. Бұл корттарда ойнауға және спортпен айналысуға болмайды», - деді Теміртау әкімінің орынбасары Самат Зияшев.