"Ұлтым ханзу болғанымен, қазаққа келінмін": Қытай қызы өз оқиғасымен бөлісті

Онда қазақ тілшісі қытай әйелінен "жеңге" деп сұхбат алды.

«Ұлтым ханзу болады, бірақ қазаққа келінмін. Қазақша атым – Жаухар. Екі балам бар. Үлкені жиырмаға, кішісі он үшке келді. Қазір Құлжадан шайхана аштым. Ең алғашында он жылдан алдын үкіметке жұмыс істедім. Ағаларың (күйеуі) алты жыл алдын қайтыс болды, сол кезде қатты қиналдым. Күйеуім қайтыс болардан бұрын өзім Шанхайға барып жүрегіме ота жасатқам. Менен кейін күйеуім екі жыл бойы ауырды, сол кезде қарызға кіріп кеттім. Ағаларыңыз дүниеден өткеннен кейін қарыздар қыса бастады. Қарызды қайтару ауыр болды, қиын кезең болды. Қазір қайын жұртыммен өте жақсы араласып тұрамын. Менің сүйегім қазақ болмаса да, мен екі қазақ баланың анасымын. Күйеуім қайтыс болып кетсе де балаларым бар. Одан бөлек, қазақтарды да шынайы жақсы көремін», - дейді Жаухар.