RUS
Оның айтуынша, партия 11 өңірдегі 237 жатақхананы тексерген.
Университтерге тоқталайын. Біз тексерген 70 жатақхананың жағдайын жақсы деп айтуға болады. 39-ның жағдайы орташа, 2 жатақханада құрылыс жұмысы жүргізіліп жатыр. Коллеждерге тоқталайын. Жалпы 126 жатақхананың 75-інің жағдайы жақсы, 36-сының жағдайы орташа, 13-інің жағдайы нашар, 2 жатақханада тұру мүмкін емес, - деді төраға.
Мониторинг барысында 11 жатақханада санитарлық және қауіпсіздік нормаларының сақталмағаны, су крандарының жұмыс істемейтіні, оқу залдарының тиісті мақсатта пайдаланылмайтыны, студенттердің бос уақытын тиімді өткізуге арналған орындардың болмайтыны анықталған.
Нұржан Жетпісбаев әбден тозған жатақханалардың барын ашық айтты.
Кеңес үкіметі кезінде салынған жатақханалар қайта жөндеуді талап етеді. Тіпті, кейбірінің тұруға мүлде қолайсыз екені анықталды. Кейбір өңірлерде біз 1930 жылы салынған жатақханаларды да көрдік. Мысалы, өңірдегі ірі жоғару оқу орындарында осындай жағдай кездесетіні өкінішті, - деді ол.
Төраға жатақханасы сын көтермейтін университтер мен коллеждерге тоқталды.
Ұлытау облысы:
- Өмірхан Байқоңыров атындағы Жезқазған университеті.
Қызылорда қаласы:
- Қазанғап атындағы Қызылорда музыкалық колледжі;
- Ақмешіт гуманитарлық-техникалық институты.
Қарағанды облысы:
- Теміртау кәсіптік-техникалық колледжі.
Павлодар облысы:
- Жаяу Мұса атындағы Ақсу жоғары көпсалалық колледжі;
- Әлкей Марғұлан атындағы Павлодар педагогикалық университеті.
Солтүстік Қазақстан облысы:
- Петропавл жоғары құрылыс-экономикалық колледжі;
- Петропавл гуманитарлық-техникалық колледжі.
Абай облысы:
- Рымбек Байсеитов атындағы Семей қаржы-экономикалық колледжі.
Алматы облысы:
- Жандосов атындағы Қаскелең мәдениет колледжі.
Мұндағы жағдай (жатақханалардың) орташадан төмен. Бұл бағытта тыңғылықты жұмыс істеу керек, - деді Нұржан Жетпісбаев.
Оның айтуынша, бүгіннен бастап Астанада барлық жоғары оқу орны мен орта арнайы оқу орындарындағы жатақханалар тексеріле бастайды. Жалпы, Қазақстан бойынша тағы 426 жатақхана тексеріледі.