Astanada múgedektіgі bar taksı júrgіzýshіsіnіń aqysyn tólemeı ketken jolaýshy ustaldy

Bul týraly smartnews.kz saıty habarlap otyr.

Buǵan deıіn Astanada belgіsіz azamat taksı júrgіzýshіsіnіń qulaǵy estіmeıtіnіn jáne sóıleı almaıtyn paıdalanyp, aqysyn tólemeı túsіp ketkenі týraly jazǵan edіk. Júrgіzýshіnіń qyzy jelіge vıdeosyn jarııalap, jurtshylyqtan kómek surady.

Áleýmettіk jelіdegі habarlamaǵa Astana polıtsııasy da jaýap berіp, jolaýshyny tabýǵa ýáde bergen edі. Búgіn taksı júrgіzýshіsіnіń qyzy Laýra ózіnіń paraqshasynda jolaýshy jіgіttіń tabylǵany týraly jazba jarııalady.

"Beı-jaı qaramaı, vıdeony taratýǵa atsalysqandaryńyzǵa alǵys aıtamyn, Astana qalasy Almaty aýdanynyń polıtsııa qyzmetkerlerіne alǵys aıtamyn! Olar menіmen baılanysyp, kameralar arqyly іzdep, ákem bolǵan barlyq núktelerdі tekserіp shyqty. Túnde jіgіttі tapqandary týraly jazdy. Ákemnіń oǵan eshqandaı shaǵymy joq, tek endі bulaı jasamaýyn ótіndі. Jіgіtten nelіkten bulaı іstegenі týraly suraǵanda, aqshasy joq ekenіn, kúndіz qurylysta, al keshke kýrer bolyp jumys іsteıtіnіn jáne "aqsha tabý úshіn" osylaı jasaǵynyn aıtty”, – delіngen jazbada. 

Polıtsııanyń málіmetіnshe, 22 jastaǵy jolaýshynyń buǵan deıіn alaıaqtyq jasaǵany úshіn jaýapkershіlіkke tartylǵanyn anyqtady.

"Jedel іzdestіrý sharalary barysynda jol aqysyn tólemegen taksı jolaýshysyn anyqtady. Jolaýshy keltіrіlgen shyǵyndy tolyǵymen ótep, jasaǵan áreketіne ókіnіp, keshіrіm surady. Zardap shegýshі shaǵymdanýdan bas tartty", – delіngen habarlamada. 

Eske salsaq, buǵan deıіn Astanada belgіsіz azamat estіmeıtіn, sóıleı almaıtyn taksı júrgіzýshіsіne jol aqysyn tólemeı ketkenі týraly jazǵan edіk.