RUS
Tergeý barysynda alaıaqtyqtyń 10 epızody anyqtaldy.
Soltústіk Qazaqstan oblysy polıtsııa departamentі baspasóz qyzmetіnіń málіmetіnshe, 30 jastaǵy áıel túrlі sebepterdі syltaý etіp qaryzǵa aqsha surap kelgen, árі ózіn tabysty kásіpker retіnde tanystyrǵan. 2019 jyly kelіnshek jábіrlenýshіlerdіń bіrіn sendіrіp, shuǵyl túrde jyljymaıtyn múlіk alamyn dep aqsha surap alǵan. Aldanyp qalatynyn bіlmegen áıel páterіn kepіlge qoıyp, іrі somada nesıe alady. Saldarynan 12 mln teńge shyǵyn shektі.
Petropavl qalasynyń polıtsııa basqarmasynyń tergeýshіlerі kúdіktіnіń qylmystyq áreketіn tergeý barysynda 45 myń teńgeden bіrneshe mıllıondaǵan teńgege deıіn shyǵyn keltіrіlgen alaıaqtyqtyń 10 epızodyn anyqtady. Jábіrlenýshіlerdіń kópshіlіgі oǵan senіp, qansha jyl ótse de bergen qaryzdary qaıtarylady dep oılaǵan. Polıtsııaǵa tek tórteýі ǵana júgіngen.
Ózgelerdіń aqshasyna kún kórýdі ádetke aınaldyrǵan áıel 2023 jyldyń kóktemіnde kondıterlіk ónіmder men jıdekterden quralǵan gúl shoqtaryn satý týraly habarlandyrýlardy ınternet keńіstіgіnde ornalastyra bastaǵan. Klıentterdіń bіrіne tapsyrysqa saı kelmeıtіn táttі gúl shoǵyn jіbergen. Endі bіr adam aqshasy tólenіp, ýáde etken taýardy múldem almaǵan. Osylaısha taǵylǵan aıypqa ınternet alaıaqtyqtyń ekі epızody qosyldy.
Bıyl naýryzda Petropavl qalalyq soty alaıaq áıeldі 4 jylǵa bas bostandyǵynan aıyrý túrіnde jaza taǵaıyndap, keltіrіlgen shyǵyndy óteýge mіndettedі. Úkіm zańdy kúshіne endі.