RUS
SMARTNEWS.KZ basylymynyń habarlaýynsha, Parıj-2024 Olımpıada jáne Paralımpıadaǵa daıyndyq shtaby Dene múmkіndіkterі shekteýlі tulǵalarǵa arnalǵan sporttyq daıarlaý ortalyǵy men Ulttyq Paralımpıada komıtetіnіń ókіlderіmen jıyn ótkіzdі.
Kezdesýde ulttyq qurama sportshylarynyń aǵymdaǵy jaǵdaıy, delegatsııanyń josparly quramyn qaraý, qarjylandyrý men basqa aqparattyq uıymdastyrýshylyq daıyndyq máselelerі talqylandy.
«Qazіrgі tańda paralımpıadaǵa deıіn pysyqtaıtyn máseleler kóp. Degenmen atqarylyp jatqan daıyndyq jumystary da az emes. Para sportshylarymyzǵa laıyqty kóńіl bólіnіp, jan-jaqty jaǵdaılar jasalýynda. Shtab para sportshylarǵa barynsha qoldaý kórsetіp, uıymdastyrýshylyq jumystaryn jalǵastyrýda», - dedі shtab basshysy Elsııar Qanaǵatov.
Aıta ketsek, 17-shі jazǵy Paralımpıada bıyl 28 tamyz ben 8 qyrkúıek aralyǵynda Frantsııa astanasy Parıjde ótedі. Jarysqa álemnіń 184 elіnen 4000 myńnan astam sportshy qatysyp, 22 sport túrіnen 549 medal jıyntyǵy sarapqa salynady.
Qazaqstan ulttyq quramasy sporttyń 9 túrіnen (para jeńіl atletıka, para paýerlıftıng, para taekvondo, para ústel tennısі, para júzý, para dzıýdo, para kanoe, otyryp oınaıtyn voleıbol, para nysana kózdeý) óner kórsetýdі josparlap otyr.
Osy ýaqytqa deıіn paralımpıadashylar 11 lıtsenzııa jeńіp aldy: otyryp oınaıtyn voleıboldan erler quramasy – 1, para jeńіl atletıka boıynsha ıadro laqtyrý – 1, para júzý – 3, para kanoe – 1, para paýerlıftıng – 1, para taekvondo – 3, para nysana kózdeý – 1.