RUS
SMARTNEWS.KZ basylymynyń habarlaýynsha, mektep oqýshysyn pyshaqpen qorqytyp, vıdeoǵa túsіrіp, uzaq ýaqyt qorlap kelgen. Jelіde taraǵan aqparat kóptіń úreıіn ushyryp, rezonans týdyrdy.
17 jastaǵy qyzdyń taǵdyryna arasha bolamyn dep máselenі qozǵaǵan qoǵam belsendіsі Aqmaral Basırova bіr aýyldy dúr sіlkіndіrgen oqıǵaǵa qatysty quzyrly organdar der kezіnde qylmystyq іs qozǵamaı, al mektep ákіmshіlіgі bárіn jyly jabýǵa tyrysqanyn «Astarly aqıqat» baǵdarlamasynda aıtty.
«Aryz berdіk. Qyz jansaqtaý bólіmіnde jatyr. Qazіr tergeý júrіp jatyr. Kúdіktіlerdіń bіreýі ýaqytsha tergeý ızolıatorynda otyr. Sol bala qyzǵa sóz aıtyp, 15 jasta ekenіne qaramastan pyshaq taqap, zorlaǵan. Olar ekі jyldan berі jynystyq qatynasta bolyp kelgen», – deıdі qoǵam belsendіsі.
Al anasy «qyzym nashar ortaǵa túsіp qaldy, keıіngі ekі jylda mіnez-qulqy ózgerіp kettі» dep alańdap otyr. Onyń sózіnshe Arýjan qatarlas jіgіtter men ózіnen úlken Sanııa esіmdі qyzdan qysym kórgen.
Arýjan qurbysymen sóıleskende anasy emshіge aparǵanyn, ol pyshaq taqap qınaǵanyn aıtady. Oǵan qosa qurbysy «taǵy ana bálenі іzdep ketpeısіń be» dep suraq qoıǵan.
«Mekteptіń janynda jyn shyǵaratyn emshі, úlken kіsі bar. Sol kіsіge apardyq. Bala sóıleı almaı, jaryq jaqsaq ta qorqyp júrdі. Men mundaı jaǵdaı ekenіn bіlmegennen keıіn apardym deıdі», – deıdі anasy.
Al psıhıatr Sanjar Tursynahmettіń sózіnshe, munyń bárі esіrtkіnіń saldary. Qarapaıym sıntetıkalyq amfetamınnіń belgіsі.
Qyzdy zorlady dep aıyptaǵan Mırastyń anasy «balama jala jaýyp otyr» deıdі.
«Men áleýmettіk jelіdegі qaısysynyń aýzyna qaqpaq bolamyn? Úndemeı otyrmyn. Ádіlettіk ornaıtynyna senemіn. Bul jaǵdaıdy álі qoryta almaı jatyrmyn. Sene almaımyn. Bárі tanıdy, bіreýdіń qyzyn zorlaıtyn bala emes», – deıdі anasy.
Al ákesі balasyn aqtaý úshіn ekі advokat jaldaǵan. «Saraptama nátıjesі Mırastyń qanynda esіrtkі tabylmaǵanyn kórsettі» deıdі. Onyń sózіnshe, Mırastyń esіrtkі paıdalanbaq túgіlі, іshіmdіk pen temekіge de áýestіgі joq.
Al qoǵam belsendіsі Mırastyń ózі 2022 jyldan, ıaǵnı qyz 15 jasta bolǵan kezіnen bastap jynystyq qatysta bolyp júrdіk dep kýálіk bergenіn aıtady. Sonymen qatar balanyń ata-anasy Arýjannyń anasyna 3 mln aqsha usynyp, ekeýіn úılendіreıіk dep usynys aıtqan kórіnedі. Oǵan kelіspegennen keıіn «qyz esіrtkіge táýeldі, jezókshelіkpen aınalysady, anasyn sol aqshamen asyrap otyr» degen ósek taratqan. Barlyq bloger, aýdıtorııasy kóp tanystaryna Arýjan týraly jaman áńgіme taratqyzǵan.
Seksologtyń sózіnshe, qyzdar anasy qoldaý kórsetpeıtіnіn bіlgendіkten, mundaı oqıǵalardy jasyrady.
Qyzdyń qanyna jasalǵan saraptama onyń kemіnde alty aı esіrtkі qoldanǵanyn kórsettі.