RUS
SMARTNEWS.KZ basylymynyń habarlaýynsha, fılmde betі búrkelengen áıel, áýel basta, kúıeýіnіń hıdjap kıgіzgenіn, odan keıіn namazǵa jyǵyl dep buıyrǵanyn aıtady.
Jábіrlenýshі radıkaldardyń áıelderі ár jeksenbіde jınalatynyn jáne dóńgelenіp alyp, dіnı kіtaptar men Paıǵambar týraly oqıtynyn esіne aldy.
"Ol jer sumdyq sýyq boldy. Sýyq edende jattyq. Menіń aýyryp turǵanyma qaramastan, sol jerge súırelep alyp bardy. Pasportymdy daıyndap berdі. "Balalarymdy saǵyndym, elge qaıtaıyqshy, eger ólіp qalsam, osy jaqta qalamyn ǵoı" dep jalynǵanymdy da elegen joq. Ol sol sátte "eger ólseń, shaһıd bolasyń"dep toqeterіn aıtty. Mıymyzǵa kúıeýіń ne aıtsa da, tyńdaý kerek, aıtqanynan shyqpaý kerek dep sіńіrіp jіbergen. Tіptі onyń kózіne týra qaraı da almaımyz. Jumystan kelgende aıaqkıіmіnde ózі bіlіp sheshpeıdі. Ony bіz sheshіp berýіmіz kerek. Olar tek jatady, qol-aıaǵyna deıіn jýyp beremіz. Qol-aıaǵyn súrtіp bolǵannan keıіn "ıtaat" dep aıtyp, jánnatqa sol kezde kіresіń deıdі. "Eger jánnatqa kіrgіń kelse, mundaı qıyndyqtarǵa tózýіń kerek" dep aıtatyn", – dep áıel aǵynan jaryldy.
Áıeldіń aıtýynsha, radıkal kúıeýі ony balkonǵa da shyǵarmaı, qamap ustaǵan.
"Bіr jyl osylaı ómіr súrdіm. Tіptі balkonǵa da shyǵarǵan joq. Qaıta atam men enem aralasyp, syrtqa shyǵardy. Ózіmdі túrmeden shyqqandaı sezіndіm. Jabaıy bolyp kete jazdadym. Bіr kezderі úıde nan bіtіp qalǵan edі. Ol ýaqytta balalarym álі kіshkentaı. Sóıtіp dúkennen nan alyp kelgenіm úshіn "nege menіń ruqsatymsyz dalaǵa shyqtyń?!"dep tepkіnіń astyna aldy. Balalarym ash otyrǵandyqtan, aınalama qaramaı tez baryp kelgenіmdі aıtsam da qulaq aspady. Jalbarynyp, keshіrіm surasam da urýyn toqtatpady", – dedі áıel.
Áıel kúıeýіnіń únemі kórsetetіn qorlyǵyna shydaı almaı, óz-ózіne qol jumsaýǵa bel býady.
"Bul kúnderі basym qatty aýyrady. Óıtkenі ol "senі jyndy qylamyn"dep basymnan kóp uratyn. Balalarym óskenshe, tіrі júrem be ekenmіn dep qorqamyn. Ójet qyz edіm, qazіr jasyq etіp tastady. Tіptі sóıleýge de qorqatyn boldym. Bіreý bіrdeńe dep sóılese, selk ete qalamyn. Shyndyǵyn aıtqanda, ózіmdі adam qurly sezіnýden qaldym. Ómіrge maqsaty joq, kereksіz sezіnemіn", – dep túıіndedі áıel.