Elіmіzdegі sý qoımalary tasqynǵa tótep berіp jatyr ma

Qostanaı oblysy

Qostanaı oblysynyń Qaratomar sý qoımasynan sekýndyna 3250 tekshe metr sý jіberіlіp, 99% toldy. Sý qoımasy tranzıttіk rejımde jumys іstep jatyr, sý jіberý kólemі ulǵaıýy múmkіn. Qostanaı oblysynda sý tasqyny jalǵasyp jatyr. Qazіrgі ýaqytta mınıstrlіk pen ákіmdіk qyzmetkerlerі sý jіberý boıynsha bіrlesіp jumys іstep jatyr.

Soltústіk Qazaqstan oblysy

Soltústіk Qazaqstan oblysynda Sergeev sý qoımasynan sekýndyna 3820 tekshe metr sý jіberіledі. Petropavl sý qoımasynan sekýndyna 73 tekshe metr sý jіberіlіp jatyr, ekі sý qoımasy da 100% toldy. Oblysta sý tasqyny jalǵasyp jatyr. Qazіr bul óńіrde Sý resýrstary jáne ırrıgatsııa mınıstrі Nurjan Nurjіgіtov sý ótkіzýdі retteý jumysyn jeke qadaǵalap júr.

Aqmola oblysy

Astana sý qoımasy tranzıttіk rejımge kóshtі. Qazіr sekýndyna 400 tekshe metr sý jіberіlіp jatyr jáne sol kólemde taǵy sý kelіp jatyr. Aqmola oblysynyń Seletın sý qoımasynan sekýndyna 150 tekshe metr sý jіberіledі, qazіr sý qoımasy 99,4% toldy.

Batys Qazaqstan oblysy

Óńіrde álі kúnge deıіn Shaǵan ózenі deńgeıіnіń kóterіlýі baıqalady, munda sekýndyna 680 tekshe metr sý jіberіlіp jatyr, Derkól ózenі boıynsha sý deńgeıі tómendedі. Jaıyq ózenіnde sý tasqynynyń ekіnshі tolqyny bolýy múmkіn.

Sý resýrstary jáne ırrıgatsııa mınıstrі Nurjan Nurjіgіtovtіń reseılіk árіptesterіmen almasyp jatqan derekterіne súıensek, búgіnde Irıklın sý torabynan sekýndyna 1680 tekshe metr sý jіberіledі. Eń joǵarǵy qarqyn 4 sáýіrde bolǵan, sekýndyna 2600 tekshe metr.

Sý resýrstary jáne ırrıgatsııa mınıstrlіgіnіń qyzmetkerlerі Batys Qazaqstan jáne Atyraý oblystary ákіmdіkterіnіń mamandarymen bіrge Jaıyq ózenіnіń arnasyn tazartý jáne sý basýdy azaıtý úshіn keptelіstіń aldyn alý boıynsha jumys júrgіzіp jatyr.

Aqtóbe oblysy

Qazіrgі ýaqytta Aqtóbe oblysynyń sý qoımasynda jaǵdaı turaqty. Nysan 97% toldy, sekýndyna 50 tekshe metr sý jіberіlіp jatyr. Qarǵaly sý qoımasy tranzıttіk rejımde jumys іstep tur. Sý qabyldaý jáne ótkіzý kólemі sekýndyna 350 tekshe metr.

Shyǵys Qazaqstan oblysy

Kelesі aptanyń basynda Shyǵys Qazaqstan oblysynyń sý qoımalarynda sý tasqyny beleń alady dep boljanyp otyr. Buqtyrma sý qoımasyna kútіletіn ortasha aǵyn 1780-2720 mln tekshe metr, Shúlbі sý qoımasyna – 2380-3730 mln tekshe metr.

Sonymen qatar Ertіs ózenі boıynsha sý aǵyny bolýy múmkіn. Sondyqtan Abaı, Shyǵys Qazaqstan jáne Pavlodar oblystarynda ákіmdіkter men Sý resýrstary jáne ırrıgatsııa mınıstrlіgіnіń qyzmetkerlerі sý ótkіzý jáne turǵyndardyń qaýіpsіzdіgіn qamtamasyz etý boıynsha qajettі іs-sharalardy atqaryp jatyr.

Qaraǵandy oblysy

Qaraǵandy oblysynyń sý qoımalarynda sý tasqynynyń sharyqtaý kezeńі óttі, sý qoımalary tranzıttіk rejımge kóshtі. Sý qoımalary arqyly ózenderdіń aǵynyn retteý nátıjesіnde Qaraǵandy oblysyndaǵy sý qoımalarynan tómen ornalasqan eldі mekenderdі sý basý qaýpі barynsha azaıdy.

«Búgіngі tańda negіzgі kúsh ózenderdіń aǵynyn retteý jáne tasqyn sýyn ótkіzý úshіn barlyq gıdrotehnıkalyq qurylystar men sý qoımalarynyń qaýіpsіz jumysyn qamtamasyz etýge baǵyttalǵan. Barlyq sý sharýashylyǵy nysandarynda táýlіk boıy kezekshіlіk uıymdastyrylyp, sý sharýashylyǵy jaǵdaıyna saǵat saıyn monıtorıng júrgіzіlіp jatyr. Sondaı-aq sý qoımalarynan sý jіberý jónіndegі sońǵy málіmetter ákіmdіkter jáne jedel shtabqa saǵat saıyn jіberіlіp jatyr», - dep tolyqtyrdy atalǵan vedomstvonyń resmı ókіlі M.Abdýalıeva.