RUS
Bul týraly Stan.kz aqparat agenttіgі habarlady.
Óner ıesі jeke paraqshasynda jazba jarııalap, halyqqa qoldaý bіldіrdі.
“Ot pen sýdyń ortasynda ótіp jatqan qaıran qazaqtyń ómіrі-aı… Sý astynda qalǵan óńіrlerdіń bárіn gastroldermen júrіp ótkem, ónerge, qazaq ánіne sonsha іńkár turǵyndarymen dıdarlasqam… Sondaı qarapaıym, sondaı táýbeshіl, eshkіmge zardap-zııany joq jurtyma tóne beretіn bul ne qater?! Aınalyp kelіp japa shegіp jatqan aýyldaǵy, eldegі óz kúnіn ózі kórіp otyrǵan beınetkesh halyq. Qırap jatqan, shańyraǵy ortasyna túsіp jatqan baı-manaptardyń tas qamaldary emes, yrqyl-jyrqyldan jyraqta, qońyrqaı tіrshіlіk etіp jatqan, bıt terіsіn bııalaı qylyp, qabyrǵasyn qalap, sonysyna shúkіr etіp júrgen jany jabyrqaý jurttyń jalǵyz baspanalary… Ol úıler qarashańyraq edі, babadan qalǵan, ákeden qalǵan kóz edі, quttyhana meshіt edі, eldegі aǵaıynnyń jalǵyz jubanyshy edі. Qazaq dalasynda bul úılerden asqan jomart, keń shańyraq bolmaǵan shyǵar, sіrá. Mynaý salǵyrttyq sonyń bárіn aıaýsyz qıratqandaı. Álі qamsyz, álі oısyz, bіraq. Sońǵy senіmnіń jіbіn úzse de júzderі jarqyn", – dep alańdady estrada juldyzy.
Sondaı-aq óner ıesі tabıǵı apattyń aldyn alyp, erterek qamdanbaǵan bılіk ókіlderіn synady.
“Álі aldap keledі. "Qaýіp joq" degen saıyn órshelengen sý jan-jaqty jaıpap barady. Sonda da myna bіreýler ótіrіk aldarqatýyn doǵarar emes!.. Qashan el bolamyz?! Qazaqtyń ózegіn zardan, kózіn jastan qurǵatpaý ǵumyrlyq mıssııalary ma?! "Eskі-jańa" dep esі ketken eserlerdіń qulqynyn tesken qazaq qashan qamsyz kún keshedі?! Qolyńdy tóbeńe qoıyp, bezіp ketkіń keledі keıde, bіzdіń qoldan keler qaıran ne?! Qalyń el, qaıran jurtym-aý, sіzderdі qalaı jubatarymyzdy bіlmeımіz", – dep jazdy óner ıesі.