RUS
Vedomstvo ókіlіnіń aıtýynsha, qazіr SIM EýroOdaq ókіlderіmen vızalyq rejımdі jeńіldetý boıynsha jumys júrgіzіp jatyr.
Eýropa elderі konsýldarynyń aqparatyna qaraǵanda Qazaqstanda jalǵan qujattardy usyný deregі jıіlep kettі. Bul óz kezegіnde Shengen vızasyn berýden bas tartý faktіlerіnіń ósýіne alyp keledі, - dedі Aıbek Smadııarov Astanada ótken baspasóz máslıhatynda.
Aıtýynsha, vıza alý úshіn jalǵan derekterі bar qujattardy usyný Qazaqstan ımıdjіne eleýlі zııan keltіrіp, kelіssóz júrgіzýdі qıyndatady.
«Bolashaqta vızadan bas tartý múmkіndіgіn kóbeıte otyryp, azamattarymyzdyń vızalyq málіmetterіn nasharlatady. Mundaı jalǵan qujattar muqııat tekserіletіnіn eskersek, vızalyq ótіnіshterdі qaraý merzіmіn uzartady. Saldarynan azamattardyń vızany keshіktіrý týraly shaǵymy jıіlep kettі. Osyǵan baılanysty qajet qujattardy usyný, vızaǵa ótіnіsh berý, tıіstі alymdardy tóleý protsesіn muqııat baqylaýǵa shaqyramyz», - dedі ol.
Aıbek Smadııarov shetelge barǵysy keletіn qazaqstandyqtarǵa eskertý jasady.
«Qazaqstan azamattary kóbіnese jalǵan málіmetterdі berіp, (shetelge) shyqpaq túgіlі (elden) shyǵa almaı jatyr. Osy másele bolyp tur. Árıne, vıza berýden bas tartý protsentі ósіp kele jatyr. Nege? Sebebі, bіzdіń azamattar jalǵan málіmet berіp jatyr. Olar ushaq bıletіn jalǵan bronǵa qoıady nemese qonaqúıdіń jalǵan derekterіn kórsetedі, jumys іstep jatqan orynnan jalǵan aqparat alyp keledі: aılyǵy, banktegі shoty týraly.
Munyń bárіn (sheteldіń) vızalyq ortalyǵy konsýlmen bіrge tekseredі. Bul ýaqyt alady. Osydan «Bіzge nege vızany tez bermeıdі?» degen suraq týyndaıdy. Árıne, jalǵan aqparat berseń (vıza berý rásіmі de) sozylady. Jalǵan aqparatty bergen adam olardyń arnaıy tіzіlіmіne engіzіledі. Keleshekte oǵan vıza alý qıyn bolady. Sondyqtan qazaqstandyqtar aqparat beretіn bolsa, naqty aqparat berýі kerek. Bul bárіne áser etіp jatyr», - dep sózіn túıіndedі ol.