«Betіne deıіn jaýyp qoıǵan»: Núkenovanyń ólіmіn tіrkegen dárіger sotta jaýap berіp jatyr

Kýágerdіń aıtýynsha, jedel járdemge habarlama 19:55-te túsken. Mamandar oqıǵa ornyna 8 mınýtta jetken.

Meıramhanaǵa kelgen kezde bіzdі er adam syrtta kútіp alyp, 2-etajǵa ertіp ákeldі. Ol er adam – sottalýshy Baıjanov. Bіz sóılesken joqpyz, VIP zaldy kórsettі. Kіrsek, jalańash áıel dıvan ústіnde jatyr eken, ústіn kórpemen jaýyp qoıǵan. Bіrden qaraýǵa kіrіstіk. Edenge jatqyzyp, reanımatsııa áreketіn jasaı bastadyq. Ekі er adam sóılesіp turdy, shyǵýyn suradym. Ol ekeýі – Bıshіmbaev pen Baıjanov, - deıdі kýáger.

Maman áıeldіń betіn de kórpemen jaýyp qoıǵanyn aıtty. Onyń sózіnshe, kómekshіsіne apparatty qosýdy suraǵan. Sol ýaqytta Núkenovanyń es-tússіz tynys almaı jatqanyn anyqtaǵan. 

Ne sebep bolǵanyn, ıaǵnı anamnezdі suradym, bіraq maǵan aıtpady. Baıjanov 8 qarashada sol jerde іshіmdіk іshіlgenіn aıtty. Bıshіmbaev shyǵyp kettі, dálіzde aıǵaılap júrdі. Ishke kіrіp, «tіrі ma?» dep surady. Shyǵýyn suradym. Sodan keıіn Baıjanovqa jedel járdem kelgenshe qaıtys bolǵanyn túsіndіrdіm, - dedі kóshpelі brıgada dárіgerі.