RUS
Árі onyń saldarynan óńіrde іshek aýrýlary kóbeıgenі, krannan aqqan sýdy kemі 10 mınýt qaınatyp іshý kerektіgі kórsetіlgen.
Óńіrlіk sanıtarııalyq-epıdemıologııalyq baqylaý departamentі bul aqparattyń jalǵan ekenіn málіmdedі.
Mekeme mamandary aýyzsýmen qamtý nysandaryndaǵy tіrshіlіk nárіnіń sapasyn baqylaýda ustap otyrmyz dep sendіrdі.
«Sý tasqyny kezeńіnde týyndaýy yqtımal sanıtarııalyq-epıdemıologııalyq jaǵdaılardyń aldyn alý maqsatynda jáne halyqtyń densaýlyǵyna tónetіn qaýіptі tómendetý úshіn sanıtarııalyq-epıdemıologııalyq baqylaý departamentіnіń aýmaqtyq basqarmalary tarapynan aýyzsýmen jabdyqtaý obektіlerіne monıtorıng kúsheıtіldі. Sáýіr aıynyń basynan aýyz sýmen jabdyqtaý nysandarynan 552 sý synamasy mıkrobıologııalyq jáne sanıtarlyq-hımııalyq kórsetkіshterі boıynsha zertteldі, sáıkes kelmeıtіn synamalar anyqtalǵan joq.Paıdalanýshy uıymdar men jergіlіktі atqarýshy organdarǵa halyqqa jetkіzіletіn aýyz sýdyń sapasyna baqylaýdy kúsheıtý jónіnde, sondaı-aq óndіrіstіk baqylaýdy júzege asyrý týraly eskertіldі. 8 sáýіrdegі jaǵdaı boıynsha oblystaǵy sýmen jabdyqtaý obektіlerі shtattyq rejımde jumys іstep tur. Jіtі іshek ınfektsııasy boıynsha epıdemıologııalyq jaǵdaı turaqty. Sý basý saldaryna baılanysty jіtі іshek ınfektsııalarynyń ósіmі baıqalǵan joq» dep habarlady departamentten.
Deıturǵanmen mekeme mamandary іshek ınfektsııalarynyń, «A» gepatıtіnіń jáne ózge de juqpaly aýrýlardyń aldyn alý maqsatynda jeke gıgıenany saqtaýdy, aýyzsýdy kepіldendіrіlgen kózderden alýdy jáne qaınatylǵan nemese bótelkedegі sýdy paıdalanýdy usyndy.