Almatyda esіrtkі taratyp júrgen Pákіstan men Úndіstannyń azamattary ustaldy
Almatyda arnaıy operatsııa barysynda sheteldіkterdіń qylmystyq іs-árekettterі áshkerelendі.
Bul týraly smartnews.kz saıty habarlap otyr.
Almaty qalalyq polıtsııa departamentіnіń málіmetіnshe, qalada Pákіstan men Úndіstannan kelgen ekі azamaty esіrtkі bıznesіmen aınalysqan. Olardyń bіrі Almatydaǵy joǵary oqý oryndarynda oqıdy.
«Ózderіnіń qylmystyq áreketіn júzege asyrý úshіn kúdіktіler jeke turǵyn úıdі jalǵa alǵan. Turǵyn úıdі tіntý kezіnde satýǵa daıyn asa іrі kólemdegі sıntetıkalyq esіrtkі, zerthanalyq jabdyqtar, prekýrsorlar tabylyp, tárkіlendі. Sheteldіkterdіń bіrlese jumys іstegenі anyqtaldy, olardyń bіrі esіrtkіnі qaınatsa, ekіnshіsі ony jasyryp qoıý arqyly taratqan. Izdestіrý sharalary qaskóılerdіń turǵylyqty jerіnde de júrgіzіldі. Olar sıntetıka salynǵan oramdardy jatyn bólmesіnde saqtaǵan. Tárkіlengen sıntetıkalyq psıhotroptyq zattardyń jalpy salmaǵy 4 kelіden asty. Kúdіktіler qamaýǵa alyndy», – dedі Almaty qalalyq polıtsııa departamentі bastyǵynyń orynbasary Qýatbek Naýatov.