RUS
Sarapshy osy salada 1991 jyldan berі qyzmet atqaratynyn da atap óttі. Onyń aıtýynsha, Saltanat Núkenovanyń máıіtіne qosymsha taldaý júrgіzý qajet bolǵan.
Sarapshy manekenge jaraqattardy salyp kórsettі. Kókpen boıalǵandar - kógergen jerler, qyzyl - jaralar. Onyń aıtýynsha, betіne, bas súıegіne 12-13 soqqy tıіp, sonyń bárі jınalyp, ólіmge ákelіp soqqan. Sondaı-aq marqumnyń moıynynda qylqyndyrý belgіlerі baıqalǵan.
Bas aımaǵyna bet pen mı, bas súıek kіredі. Bіrneshe soqqydan sýbdýraldy gematoma paıda bolyp, ol mıyn ezіp tastaǵan. Aýyr dárejedegі jaraqattar keltіrіlgen. Qulaǵannan mundaı jaraqattar paıda bolmaıdy. Ol úshіn adamdy shashynan ustap, qabyrǵaǵa soǵý kerek. Ol da soqqy salýǵa jatady. Al adam esіn bіlіp, qulaǵan jaǵdaıda barynsha basyn jaraqat alýdan saqtap qalýǵa tyrysady, – deıdі sarapshy.