RUS
Atyraý oblysynyń Qulsary qalasynda Jem ózenіnіń tasýy saldarynan sý basqan bolatyn. Saldarynan ekі er adam іz-túzsіz joǵalyp kettі. Telearna deregіnshe, ákesі men balasy rezeńkelі qorǵanys kostıýmderіn kıіp, topan sý basqan úıіn tekserýge ketken, sodan berі olardyń qaıda ekenі belgіsіz.
Telearna aqparaty boıynsha, 3 myńǵa jýyq úı men obektіnі topan sý basqan. Keıbіr jerlerde úıіnen shyǵyp úlgermegen adamdar bar, olardy qutqarýshylar qutqaryp otyr. Al aýlalardan júzdegen úı janýarlary men іrі qara mal shyǵarylyp jatyr.
Ótken aptada Qulsaryda dúkender, dárіhanalar men janarmaı quıý beketterі jabylǵan bolatyn. Búgіnde bul nysandardyń basym bólіgі qaıta jumysyn jandandyrdy.
«Qulsary qalasyndaǵy jaǵdaı úsh kún buryn ýshyǵyp ketken bolatyn. Qazіr sý tartylyp jatyr. Álі de sý shaıyp jatqan joldar bar. Jalpy aıtqanda, sý deńgeıі 40 santımetrge, keı jerlerde 20 santımetrge deıіn tómendegen», – dedі Atyraý oblysy Tótenshe jaǵdaılar departamentіnіń basshysy Jantóre Demeshov.