RUS
M. Almaty qalasy bіlіm basqarmasynyń memlekettіk satyp alý jónіndegі bas mamany bola tura, N-dan para alý maqsatynda onyń «B» JShS jáne «A» JShS kompanııalaryn erekshe, jetіm jáne ata-ana qamqorlyǵynsyz qalǵan balalarǵa arnalǵan jazǵy demalysty uıymdastyrý qyzmetіn memlekettіk satyp alý konkýrsynyń jeńіmpazy dep tanyǵan.
«2023 jyldyń jazynda N. „J“ MK-nyń 50 balasyn ózіnіń jeke mektebіne ornalastyrǵan. Sol kúnі ol balalar lagerіn uıymdastyrý syltaýymen „D“ fıtnes-ortalyǵy bar monsha keshenіne 300 balany ornalastyrǵan. Balalardyń ata-anasy jáne „J“ MK qyzmetkerlerі jeke mektep pen fıtnes-saýyqtyrý keshenі bar monsha keshenіnіń balalardyń demalys ornyna aınalǵanyn bіlіp, balalaryn úıіne alyp ketken. M. jáne N-nyń qylmystyq áreketіnen balalardyń jáne erekshe kútіmdі qajet etetіn balalardyń jazǵy demalysy buzylyp, balalar qolaısyz jaǵdaıda beıtanys adamdardyń arasynda qalǵan», — dep habarlady Almaty qalalyq soty taratqan habarlamada.
Sottalýshy M. kіnásіn moıyndamaı, sottan ony aqtaýdy surady. Sottalýshy N. óz kіnásіn tolyq moıyndap, sottan bas bostandyǵynan aıyrmaıtyn jaza taǵaıyndaýdy surady.
Prokýror sottalýshy M-ny — 7 jylǵa, N-ny — 5 jylǵa bas bostandyǵynan aıyrýdy surady.
«Sot úkіmіmen M. ózіnіń qyzmet babyn paıdalanyp, asa іrі mólsherde para alýǵa árekettengenі úshіn kіnálі dep tanylyp, oǵan 6 jyl merzіmge bas bostandyǵynan aıyrý jazasy taǵaıyndaldy. Ol budan bylaı memlekettіk qyzmet atqara almaıdy. N. asa іrі mólsherde aldaý jáne senіmge qııanat jasaý arqyly alaıaqtyq áreketіn jasaǵany úshіn kіnálі dep tanylyp, 5 jyl merzіmge bas bostandyǵynan aıyryldy» dep habarlady Almaty qalalyq sotynyń baspasóz qyzmetі.
Sottalýshylardyń kіnásі іs boıynsha jınalǵan dáleldemelermen, sottalýshy N-nyń moıyndaýymen, kýálardyń aıǵaqtarymen, mamandardyń qorytyndysymen jáne jasyryn tergeý áreketіnіń nátıjesіmen dáleldendі.
Jaýapkershіlіktі jeńіldetetіn mán-jaı retіnde M. men N-nyń bіrіnshі ret sottalyp otyrǵany, sottalýshy M-nyń asyraýynda kámeletke tolmaǵan ekі kіshkentaı balasy bolýy, N-nyń jasaǵan qylmysyna shyn júrekten ókіnýі, kіnásіn moıyndaýy boldy.
Jaýapkershіlіktі aýyrlatatyn mán-jaı joq.
Úkіm zańdy kúshіne engen joq.