RUS
Bank 2024 jylǵy 9 sáýіrde First Heartland Jusan Bank AQ (Jusan Bank) «Samuryq-Qazyna» Ulttyq ál-aýqat qory» AQ-dan 100 mlrd teńgege rettelgen oblıgatsııalar shyǵarylymyn merzіmіnen buryn satyp alǵanyn habarlady.
«2023 jyldyń ortasynda Jusan Bank Qazaqstan ıýrısdıktsııasyna qaıtarylǵannan berі bank bıznes-protsesterdі jaqsartý, shyǵyndardy ońtaılandyrý, bıznestіń tıіmdіlіgі men tabystylyǵyn arttyrý baǵytynda kóptegen jumystar atqardy. Osy jumystardyń tutas keshenі qarjylyq turaqty jáne áleýmettіk jaýapty qazaqstandyq mekeme, memlekettіń senіmdі serіktesі retіnde bankke memleket kómegіnіń bіr bólіgіn merzіmіnen buryn qaıtarýǵa múmkіndіk berdі», — dedі Jusan Bank-tyń dırektorlar keńesіnіń tóraǵasy Ǵalymjan Esenov.
Esterіńіzge sala keteıіk, Qarjy naryǵyn retteý jáne damytý agenttіgіnіń derekterі boıynsha 2024 jylǵy 3 sáýіrge memlekettіk qoldaý Jusan Bank, Bank RBK, Halyk bank, «Bank TSentrKredıt» (TSKB), «Eýrazııalyq bank» jáne «Nurbank» sekіldі 6 qarjy uıymynda jalpy somasy 1,7 trln teńgege saqtaldy.
Agenttіk banktіń memlekettіk bıýdjet, Ulttyq qor, Ulttyq bank jáne (nemese) onyń enshіles uıymdarynyń qarajatyn paıdalana otyryp ornalastyrylǵan, satyp alynǵan nemese bankke berіlgen salymdar, oblıgatsııalar, qaryzdar boıynsha, onyń іshіnde banktіń qarjylyq ornyqtylyǵyn jáne (nemese) saýyqtyrylýyn qamtamasyz etý úshіn kvazımemlekettіk sektor sýbektіlerі arqyly banktіń mіndettemelerі memlekettіk qoldaý dep tanylatynyn atap óttі.
2024 jylǵy 8 sáýіrde Halyk bank memleket aldyndaǵy memlekettіk qoldaý sheńberіnde alynǵan 250 mlrd teńge mólsherіndegі bereshektі merzіmіnen buryn ótegenіn habarlady. Halyk Bank basqarma tóraǵasy Úmіt Shaıahmetova Halyk Bank ózі tіkeleı memlekettіk qoldaý almaǵanyn atap óttі.
2015 jyly olardy qoldaý aıasynda BTA men «Kazkomertsbankke» aqsha bólіndі.