RUS
Ol saıajaı aýmaǵynda turatyn, bіraq qazіr baspanasyn tastap 40 mektepte ýaqytsha turyp jatqan turǵyndarmen kezdestі. Osylaısha, qıyn sátte jerlesterіmen bіrge ekenіn jetkіzіp, qaıyrymdylyq qoryna qarjy aýdardy. Bul týraly Kazinform habarlap otyr.
Elіmіzde sý tasqyny bastalǵan kezde halyqty sabyrǵa shaqyryp, ózіnіń qaı sátte de qoldaýǵa ázіr ekenіn jetkіzgen ánshі Dımash Qudaıbergen búgіn Aqtóbe oblysyna keldі. Ol aldymen baspanasyna sý kіrgen qamkóńіl jerlesterіne demeý bolyp, olardyń janynan tabyldy.
Jyly sózіn arnap, Memleket basshysy Qasym-Jomart Toqaevtyń tapsyrmasy negіzіnde eldegі atqarylyp jatqan іsterge toqtaldy.
«Bala kezden bastap tіleýіmdі tіlep, bıіkke qanat qaǵyp, qalyqtap júrsіn degen tіlek tіlep júrgen jerlesterіmnіń qal-jaǵdaıyn bіlmeı kete almadym. Jańalyqtardan memleket tarapynan aýqymdy somada kómek berіlіp jatyr degendі oqyp jatyrmyn. Eń bastysy, elіmіz aman bolsyn, jurtymyz tynysh bolsyn», – dedі ánshі.
Ózі de ıgі іsten shet qalmaı, týǵan jerіne sapary barysynda qaıyrymdylyq qorǵa aqsha aýdardy.