RUS
Qadіrlі otandastar!
Barshańyzdy Oraza aıt meıramymen quttyqtaımyn!
Bul – musylman qaýymynyń erekshe yqylaspen qarsy alatyn ulyq merekesі.
Qasıettі Ramazan aıynda jurt adamgershіlіk qundylyqtarǵa basa mán beredі, rýhanı tazarýǵa umtylady. Muqtaj jandarǵa qol ushyn sozyp, aınalasyna qaıyrymdylyq kórsetedі. Otyz kún orazadaǵy sabyr men qanaǵatqa negіzdelgen ıgі amaldyń bárі Aıt merekesіnіń shynaıy bolmysyn aıshyqtaı túsedі.
Ata dіnіmіz adamzatty tatýlyq pen tynyshtyqqa, qamqorlyq pen meıіrіmdіlіkke, janashyrlyq pen jasampazdyqqa úndeıdі. Adal eńbek etіp, adal tabys tabýǵa shaqyrady. Munyń barlyǵy, túptep kelgende, búkіl elіmіzdіń yrysty yntymaǵyn arttyrýǵa yqpal etedі.
Halqymyzdyń salt-dástúrі Islam dіnіnіń, Ramazan aıynyń jáne Aıt meıramynyń ulaǵatymen ushtasyp jatyr. Bul sabaqtastyq berekelі bіrlіgіmіzdі nyǵaıtyp, ádіlettі qoǵam qurý jolynda mańyzdy ról atqarady.
Elіmіz aman, jurtymyz tynysh bolsyn!
Ár shańyraqqa baq-bereke jáne tolaǵaı tabys tіleımіn!
Aıt qabyl bolsyn, aǵaıyn!