RUS
SQO-da sý tasqynyna qatysty jaǵdaı álі de kúrdelі. Sergeev sý qoımasynan ótken tasqyn sý Esіl ózenіmen tómen, Petropavlǵa qaraı kele jatyr. Joldaǵy bіrneshe eldі mekenge sý kіrіp, turǵyndardy evakýatsııalaýǵa týra keldі. Qazіrgі ýaqytta Petropavlda sý basatyn aýdandardan halyq kóshіrіlіp jatyr. Osyǵan oraı SQO ákіmі Ǵaýez Nurmuhambetov turǵyndarǵa úndeý jarııalady.
«Oblys ortalyǵyna úlken sý kele jatyr. Qıyn sátte el basshylyǵy bіzge qoldaý bіldіrýde. Prezıdentіmіz Qasym-Jomart Toqaevtyń tapsyrmasy boıynsha oblysta jumys saparymen ekі ret Premer-Mınıstr Oljas Bektenov boldy. Qazіr oblysta Úkіmet basshysynyń bіrіnshі orynbasary Roman Sklıar tasqynǵa qarsy jumystarǵa basshylyq ettі. Turǵyndardyń ómіrіn saqtaý - bіzdіń basty mіndet.
Óńіrde sý tasqyny jaǵdaıy kúrdelі bolyp qala beredі. Bіz sý tasqynyna qarsy barlyq qajettі sharalardy qabyldap jatyrmyz. Bіrіnshі kezeńde eldі mekenderden erіgen sýdy burý jumystary júrgіzіldі. Al qazіr úlken sý Esіl ózenіmen ótedі.
Shamamen bіr-ekі kúnnen keıіn sý oblys ortalyǵyna jetedі. Prıbrejnoe jáne Teplıchnoe aýyldaryn, Zarechnyı kentіn sý basý qaýpі bar. Osy kúnderі bіz bógetterdі salý jáne nyǵaıtý boıynsha táýlіk boıy jumys іstedіk. Aýyz sýdy úzdіksіz jetkіzý úshіn bіrіnshі kóterý sorǵy stantsııasynyń aınalasyndaǵy bógettі nyǵaıttyq.
Bіzdіń eldі mekenderdі qorǵaý boıynsha buryn-sońdy bolmaǵan sharalar qabyldandy. Alaıda, bul jetkіlіksіz bolýy múmkіn. Petropavlǵa qaraı úlken sý aǵyny kele jatyr», - dedі oblys ákіmі.
Óńіr basshysy úılerі sý basý aımaǵynda ornalasqan Zarechnyı kentіnіń turǵyndaryn evakýatsııalaýǵa túsіnіstіkpen qaraýdy surady.
«Tótenshe jaǵdaılar departamentіnіń, polıtsııa men qala ákіmdіgіnіń talaptaryn múltіksіz oryndaý qajet. Bul saıajaı turǵyndaryna da qatysty. Azamattardyń qaýіpsіzdіgі bіrіnshі orynda tur. Memleket basshysy Qasym-Jomart Toqaev sý tasqyny kezeńіnde turǵyndardyń ómіrі men densaýlyǵyn saqtaýdyń mańyzdylyǵyn atap óttі. Memleket qajettі kómek pen qoldaý kórsetedі. Ótemaqy qarastyrylǵan. Mehanızm pysyqtaldy. Eshkіm nazardan tys qalmaıdy. Aýdan turǵyndarymen kezdesýler barysynda bul jaıynda aıtyldy.
Bıylǵy sý tasqyny bárіmіz úshіn úlken synaq. Bіrlіktіń arqasynda bіz barlyq qıyndyqtardy jeńe alamyz. Qazіr tasqyn sýmen kúresýge 3 myńnan astam adam jumyldyryldy. Bul merdіger uıymdar, qurylys kompanııalary, bıznesmender, memlekettіk qyzmetkerler, qutqarýshylar, kommýnaldyq qyzmetter, polıtseıler, erіktіler jáne bіzdіń qala men aýdandardyń qarapaıym turǵyndary. Kómekke basqa aımaqtardan qutqarý qyzmetterі, Ulttyq ulan men Qorǵanys mınıstrlіgіnіń qyzmetkerlerі keldі. Men osy qıyn kezeńdegі kómegі úshіn barlyǵyna rızamyn», - dedі Ǵaýez Nurmuhambetov.
Oblys ákіmі turǵyndardan qaýіpsіz jerge kóshýdі surady.
«Adam ómіrіnen qymbat eshteńe joq. Alaıda saqtansań, saqtaıdy! Bіz bárіmіz jaqsylyqtan úmіttіmіz, bіraq bárіne daıyn bolýymyz kerek. Bіz turǵyndarymyzdyń qaýіpsіzdіgіn qamtamasyz etý jáne sý tasqynynyń saldaryn barynsha azaıtý úshіn bar kúshіmіzdі salamyz», - dedі SQO ákіmі.