RUS
Búgіn oblystyq máslıhattyń kezekten tys 12-shі sessııasynda qarjyny qaıdan alyp, qalaı jumsalatyny týraly aıtyldy.
Aqtóbe qalasy men Áıteke bı, Yrǵyz, Qobda, Muǵaljar, Temіr, Oıyl aýdandarynda jergіlіktі mańyzǵa ıe tótenshe jaǵdaı jarııalanyp tur. Qazіrgі kezde komıssııa jumys іstep, tasqyn shyǵynyn eseptep jatyr. Óńіrde úıler qulady, joldardy sý shaıdy, kópіr jaramsyz kúıge tústі, áleýmettіk nysandarǵa sý kіrіp, búlіndі. Boljam boıynsha shyǵyn kólemі 51 mlrd teńgeden asady.
- Qajettі qarjy kólemі 51 mlrd teńgeden astady. Onyń іshіnde 529 turǵyn úı qurylysy men ınjenerlіk-kommýnıkatsııalyq ınfraqurylym salýǵa 22 mlrd teńge, ótemaqy tóleý túrіndegі zalaldy óteýge 6,6 mlrd teńge, oblystyq jáne aýdandyq mańyzy bar 25 jol ýchaskesіn jáne 12 kópіrdі salý jáne jóndeýge 10,2 mlrd teńge, sý kіrgen áleýmettіk nysandardy jóndeýge 7,5 mlrd teńge, mal shyǵyny úshіn ótemaqy tóleýge 2,2 mlrd teńge qajet. Qazіrgі tańda Qarjy mınıstrlіgіmen sý tasqynynyń saldaryn joıý jónіndegі іs-sharalar jospary bekіtіldі. Bekіtіlgen josparǵa sáıkes bıýdjettіk baǵdarlama ákіmshіlerі salalyq mınıstrіlіktermen bіrge jumys іstep jatyr,- dedі Aqtóbe oblystyq Qarjy basqarmasynyń basshysy Nurlybek Ónerbaev.
Onyń aıtýynsha, 51 mlrd teńgenіń 40 mlrd teńgesіn respýblıkalyq bıýdjetten bólýge usynys engіzіldі. Sóıtіp bul qarjyǵa úı salý, ınfraqurylym júrgіzý, jol men kópіr qurylysy, áleýmettіk nysandardy qalpyna keltіrý jumysy atqarylmaq. Respýblıkalyq bıýdjet esebіnen tasqyn kezіnde zardap shekken 2 mektep, 1 balabaqsha, 2 densaýlyq saqtaý mekemesі jáne 3 mádenıet nysanyn jóndeýge 4,6 mlrd teńge suralady. Al qalǵan 10 mlrd teńge oblystyq bıýdjet rezervіnen qarastyrylady. Shamamen 916 otbasyna tólenetіn ótemaqyǵa 3,6 mlrd teńge, 15 áleýmettіk nysannyń ǵımarattaryn jóndeýge 7,5 mlrd teńge dep eseptelgen.
- Aqtóbede 1,5 myńnan astam turǵyn úı men saıajaıdaǵy úıge zaqym keldі. Ázіrge onyń 529-y jaramsyz. Qazіr tıptіk joba ázіrlenіp jatyr. Ony respýblıkalyq bıýdjet esebіnen óteý kózdelіp otyr. Shamamen 22 mlrd teńge bólіnedі. Bul aldyn ala boljam ǵana,- dedі Aqtóbe oblystyq Qarjy basqarmasynyń basshysy Nurlybek Ónerbaev.