RUS
Óńіrde sý tasqynyna qatysty kúrdelі jaǵdaı qalyptasyp otyr.
Osyǵan baılanysty Úkіmet basshysy tіkushaqpen aralaý kezіnde Jaıyq ózenі arnasynyń jaı-kúıіmen tanysty.
Úkіmet basshysy eldі mekenderge keletіn sýdyń kólemіn azaıtý maqsatynda sý qoımalary júıesіnde sýdy barynsha jınaqtaý jónіnde tapsyrmalar berdі.
Turǵyzylǵan bógetterdі qarap shyqqannan keıіn Oljas Bektenov turǵyndardyń ómіrі men densaýlyǵyn jáne múlkіn barynsha qorǵaý úshіn jumys qarqynyn báseńdetpeýdі tapsyrdy.
«Qazіrgі ýaqytta Aqtóbe, Qostanaı, Qulsary qalalaryndaǵy jaǵdaı turaqtalyp keledі. Petropavlda sý tasqynynyń sharyqtaý shegі bastalady, munda negіzіnen baý-baqsha serіktestіkterі sý basý aımaǵynda qalmaq. Jaıyq ózenіnde kúrdelі jaǵdaı seıіlmedі. Aýqymdy sý kólemі Reseı Federatsııasy aýmaǵynda aıtarlyqtaı shyǵyn keltіrіp, Oral men Atyraýǵa qaraı jyljyp keledі. Búgіnde Jaıyq ózenіndegі sý deńgeıі 7,2 metrdі qurap, kún saıyn artyp keledі. Qaýіp belgіsі- 8,5 metr. Sýdyń qaýіptі deńgeıіn ustap turýǵa múmkіndіk beretіn qorǵanys bógetterі salyndy. Qazіr basty mіndet – Oral men Atyraýdy tasqynnan saqtap qalý. Ol úshіn ákіmdіkterdіń, TJM, Qorǵanys mınıstrlіgі men Ulttyq ulannyń, arnaıy tehnıkalyq kúshterі jumyldyryldy. Erіktіler kóp kómek kórsetýde. Azamattardyń qaýіpsіzdіgіn qamtamasyz etý maqsatynda Batys Qazaqstan jáne Atyraý oblystarynyń ákіmderіne qajet bolǵan jaǵdaıda sý basý aımaǵyndaǵy úılerіn tastap shyǵýdan bas tartqan turǵyndardy májbúrlі túrde evakýatsııalaý tapsyryldy. Bul rette barlyq bos úıler polıtsııanyń táýlіk boıy baqylaýynda bolady», — dep atap óttі Oljas Bektenov.
Sonymen qatar Úkіmet basshysy turǵyndardyń saýaldary negіzіnde ákіmdіkterge sý tasqynynan kelgen zalaldy óteý algorıtmіn túsіndіrý jumystaryn júrgіzýdі tapsyrdy.
«Sý tasqynynyń bastalý ýaqyty ár óńіrde ártúrlі. Keıbіr turǵyndar ótіnіsh berý merzіmіne qatysty alańdap otyr. Ýaqyt shekteýlerіne qaramastan turǵyndardyń ótіnіshterіn qabyldaý qajet. Joǵaryda aıtqanymdaı, bıýrokratııalyq áreketterge jol berіlmeýge tıіs», — dep atap óttі Oljas Bektenov.