RUS
Bul týraly óńіr ákіmі apparatynyń basshysy Dıdar Ibraev aıtyp berdі.
«10 sáýіr saǵat 16:00–degі jaǵdaı boıynsha aımaqta sý basqan úı joq. 2-6 sáýіr kúnderі TJ rejımі jarııalanǵan Aqtoǵaı aýdanynyń Jalaýly aýylynda úılerdі jyl saıyn sý basý problemasyn sheshý úshіn óńіrlіk jedel shtab syıymdylyǵy 200 myń tekshe metr sý bolatyn 3 jańa qazanshuńqyr ornatý týraly sheshіm qabyldady. Bul bolashaqta aýyldy sý basý qaýpі bar problemany keshendі túrde sheshýge múmkіndіk beredі. Táýlіk boıy 12 aýyr tehnıkamen qazanshuńqyrlardy ornatý jumystary júrgіzіlýde», — dedі D. Ibraev ortalyq kommýnıkatsııalar qyzmetіnde ótken baspasóz máslıhatynda.
Turǵyn úılerdі sý basý qaýpі tolyǵymen joıyldy, jaǵdaı turaqtandyryldy.
«Búgіngі tańda 107 otbasy bıýdjetten tys demeýshіlіk qarajattan 96,7 mln teńge ótemaqy aldy. Onyń іshіnde, keshe ǵana sý tasqyny kezіnde úılerі qatty zardap shekken Jalaýly aýylynyń 9 turǵyny bar. Sondaı-aq, Jalaýly aýylynda komıssııa sheshіmіmen qalpyna keltіrýge jatpaıtyn apatty úılerdіń ornyna salynatyn 5 jańa úıdіń qurylysy bastaldy. Shyǵyndy ERG toby óz moınyna aldy. Úı qurylysyn 3 aıda aıaqtaý josparlanyp otyr», - dedі spıker.
Budan basqa, osy aptada zardap shekkenderge 100 AEK mólsherіnde bіrjolǵy memlekettіk áleýmettіk tólem tólenedі.
«Osylaısha, oblys turǵyndaryna sý tasqynynan keltіrіlgen zalal kelіp túsken ótіnіmder boıynsha tolyq kólemde óteldі. Bul rette ótіnіmderdі qabyldaý sáýіr aıynyń sońyna deıіn jalǵasady, eshkіm de nazardan tys qalmaıdy», - dedі D. Ibraev.