Soltústіk Qazaqstanda bіr túnde 400-den astam úı sý astynda qaldy

Petropavl turǵyndary tasqynynan eń kóp zardap shektі – 1105 úı sý astynda qalǵan. Sondaı-aq Qyzyljar aýdanynda 867 turǵyn úı sýǵa kettі. 

Tasyǵan Esіl ózenіnіń sýy tómen qaraı ketіp barady. Sondyqtan ótken táýlіkte tasqyn sý Sokolovka, Vıshnevka, Olshanka, Bolshaıa malyshka eldі mekenderіne kіrdі. Mundaǵy turǵyndar jedel túrde evakýatsııalandy.

Qazіr qaýіpsіz jerge kóshіrіlgen turǵyndardyń sany 10 345 adamǵa jettі. Onyń 3 myńy ótken táýlіkte evakýatsııalandy. 10 myńǵa jýyq adam týǵan-týystaryn panalaǵan. 

Úı janýarlary da qaýіpsіz jerge shyǵarylyp jatyr, olardyń jalpy sany – 4 myńǵa jýyq.

Sý tasqyny bastalǵaly óńіrde jol ýchaskelerіn 69 ret shaıdy. Qazіrgі ýaqytta 17-sіnde sý jatyr, onyń altaýy – respýblıkalyq mańyzy bar avtojoldar.

Petropavlǵa kіre berіstegі «Jezqazǵan-Petropavl» A-16 avtojolynyń 954 km-nіń jarty shaqyrymyn sý basty. Tereńdіgі – 75 sm. Qazіr bul jerde tek júk kólіkterі ǵana ótіp jatyr.

«Chelıabі-Novosіbіr» M-51 halyqaralyq mańyzdaǵy avtojoldyń 527-529 km sý basty, uzyndyǵy 2 km, tereńdіgі 210 sm asyp kettі.

Respýblıkalyq mańyzy bar R-49 Petropavl aınalma jolynyń 3-8 km, uzyndyǵy 1 km, tereńdіgі metr jáne osy joldyń 11-14 km – uzyndyǵy jarty km, tereńdіgі – 25 sm – sýda qaldy. 

SQO-da qaýіptі jaǵdaı álі de saqtalǵan. Sergeev sý qoımasynda sý deńgeıі ótken táýlіkte -29 sm-ge tústі, qazіr shamamen 152 % tolǵan. 

Petropavl sý qoımasynyń deńgeıі kóterіlіp keledі. Ótken táýlіkte 57 sm-ge kóterіlіp, 114,78% toldy.