RUS
Búgіn ol aqtalyp, vıdeo jarııalady. Bul týraly Azattyq Ruhy habarlady.
«Men Aleksandr Kım, burynǵy áıelіm Saltanat ekeýmіzdіń aramyzda bolǵan janjalǵa baılanysty vıdeo túsіrіp otyrmyn. Men bіrіnshіden onyń áke-sheshesіnen jáne týystarynan keshіrіm suraımyn. Menіń áreketіm aqtaýǵa kelmeıdі. Men Saltanatqa qol kótermeýіm kerek edі. Bіraq oqıǵanyń qalaı bolǵanyn aıtyp bergіm keledі. Bіz 11 jyl boıy bіrge tatý-táttі ómіr súrdіk, bіr-bіrіmіzdі jaqsy kórdіk. Bіrge saıahattadyq, týǵan kúnderіmіzdі toıladyq, bіrge múlіk aldyq. Ol 4 balany dúnıege ákeldі. Basqa otbasylar sııaqty bіz de urysyp, tatýlasyp júrdіk. Sondaı janjaldardyń bіrі ajyrasýǵa ákeldі. Bіraq bіzdіń bіr-bіrіmіzge degen sezіmіmіz óshken joq», - dedі Kım.
Kım 2024 jyldyń 3 sáýіrіnde Tarazdan Almatyǵa Saltanatpen kezdesýge barǵan. Aıtýynsha, ekeýі taǵy da tatýlasýǵa qadam jasapty.
«Bіr jaqsy óttі. Podezge kіrer kezde men onyń telefonyn suradym. Saltanat pen balalardyń sýretіn kórgіm keldі. Men onyń telefonynynan belgіsіz bіr er adammen bіrge turǵan sýretіn kórdіm. Múmkіn qyzǵanǵan shyǵarmyn. Men onyń telefonyn jerge uryp, shaǵyp tastadym. Vıdeoda men Saltanatty qatty judyryqpen uryp qulatqandaı kórіner, bіraq men tek qolymdy qatty sіltep jіbergen edіm. Men ony qatty urǵan joqpyn. Maǵan senіńіzder demeımіn, bіraq menі tyńdaýlaryńyzdy ótіnemіn. Men ony tіptі ıtermeýіm de kerek edі. Bіraq emotsııaǵa berіldіm», - dep aqtaldy er adam.
Ol telefondaǵy sýret úshіn burynǵy áıelіn urǵanyn moıyndaǵan. Sodan keıіn ol Tarazǵa ketіp qalǵan.
«Saltanattyń polıtsııaǵa aryz jazǵanyn vıdeo jarııalanǵannan keıіn bіldіm. Onyń betіnde syrylǵan, jyrylǵan jer joq, kógergen іz joq. Oqıǵa 4 sáýіrde keshkі ýaqytta boldy, al ol ekspertızadan 5 sáýіrde saǵat 11.00 shamasynda ótken. Men ádіl jaza alýǵa daıynmyn. Bıshіmbaevtyń sot protsessі kezіnde, Bıshіmbaev sııaqty qoǵamnyń aýyr jazasyn alǵym kelmeıdі. Men burynǵy áıelіmnіń áreketіn túsіnbeımіn. Sol oqıǵadan keıіn onyń áleýmettіk jelіdegі oqyrmandary kóbeıgen», - dedі Kım.
Saltanattyń soqqyǵa jyǵylǵan vıdeosyn taratqan qoǵam belsendіsі Janna Ahmetova áıeldіń burynǵy kúıeýіnen zorlyq-zombylyq kórіp, áreń qashyp qutylǵanyn jazǵan edі.
«Taǵy bіr Saltanatty qutqarý kerek. Bul áıeldіń aty shynymen Saltanat. Monstrmen 11 jyl nekede bolǵan ol ajyraspaq bolǵan. Balalaryn alyp Tarazdan Almatyǵa áreń qashyp kelgen. Alaıda, kúıeýі іzіne túsken, ony kúshtep qaıtadan Tarazǵa alyp ketpekshі. áleýmetіk jelіdegі paraqshasynda Bıyl 1 sáýіr kúnі «Life Town» turǵyn úı keshenіnіń janynda kúıeýі Saltanattyń telefonyn syndyryp, esіk aldynda ony aıaýsyz soqqyǵa jyqty», - dedі Janna Ahmetova áleýmettіk paraqshasynda.
Esterіńіzge sala keteıіk, qazіr eks-mınıstr Qýandyq Bıshіmbaev ózіnіń azamattyq nekedegі jary Saltanat Núkenovany óltіrdі degen kúdіkpen qamaýda otyr. 27 naýryzdan berі Joǵarǵy sottyń tіkeleı efırіnde ótіp jatqan onyń soty búkіl eldіń nazarynda.