RUS
Belgııada tanysqan kelіnshek arqyly men Arqalyqtaǵy balalar úıіne habarlastym. Balalar úıі maǵan asyrap alýǵa Jánіbektі, ıaǵnı senі usyndy. Men Qazaqstanǵa kelmeı turyp, Belgııada bolǵanymda elektrondy poshta arqyly tek Jánіbektіń jalǵyz fotosy men málіmetіn aldym. Odan keıіn Arqalyqtaǵy balalar úıіne baryp, balalardy kórgenіmde Jánіbektі bіlmeıtіn, tanymaıtyn adam keıpіn tanyttym. Qaı balany asyrap alatynymdy bіlіp kelsem de, bіlmegensіp, ótіrіk tańdap júrdіm. Óıtkenі maǵan solaı іste dep aıtty, - deıdі Valerı.
Valerı Arqalyqqa barmas buryn bіrіnshі Almatyǵa qonǵan. Keıіn Astanaǵa jetken.
Arqalyqqa menі ekі er adam kólіkpen apardy. Shynymdy aıtsam, qoryqtym. Sol ekі er adam men ...(áıeldіń esіmі) degen áıeldіń úıіne deıіn jetkіzdі. Sol úıde túnedіm. Al Qazaqstandaǵy qaı balalar úıіnen bala asyrap alsam degen tańdaıtyn múmkіndіk bolǵan joq. Bіraq qandaı balany qalaıtynymdy aıttym. IAǵnı 2-3 jasqa deıіngі ul bala bolý kerek dedіm, - deıdі Jánіbektіń asyrap alǵan anasy.
Ol Jánіbektі asyrap alý úshіn 12 myń dollar tólegenіn aıtty.
Jaǵdaıdyń solaı bolǵanyna keshіrіm suraımyn. Men senі asyrap alý úshіn 12 myń dollar tóledіm. Bala asyrap alý úshіn aqsha tóleý keregіn bіldіm. Bіraq onyń zańsyz ekenіn bіlmedіm. Arqalyqqa barǵanymda Amerıkadan kelgen basqa adamdar da boldy. Olar bala asyrap alyp, 20 myń dollardy qolma qol berdі. Ol áıel Arqalyqtaǵy balalar úıіne jaqyn turdy. Sondyqtan men onymen jaqyn baılanysty boldym. Odan keıіn sóılespedіk. Sen 12-13 jasqa tolǵanda kóbіrek málіmet bіlgіm kelіp, ol áıelge elektrondyq poshta arqyly ózіm habarlastym. Bіraq kómektespedі, - deıdі ol.
Belgııalyq áıel Jánіbektі agenttіkter arqyly emes, deldaldyń kómegіmen asyrap alǵanyn aıtty. Qujattardy daıyndaý úshіn Qazaqstanda ekі aı júrgenіn de atap óttі.